Túrkistan oblysynda atqarylyp jatqan memlekettik baǵdarlamalar men infraqurylymdyq jobalardyń sapaly oryndalýyn baqylaý maqsatynda oblys ákimi apparatynyń basshysy Erkebulan Daýylbaev jumys saparymen Shardara jáne Keles aýdandaryna bardy. Birqatar áleýmettik mańyzy bar qurylys nysandarynyń jumysymen tanysyp, merdigerlermen kezdesti, - dep habarlaidy Dalanews.kz
Aldymen, apparat basshysy Shardara aýdanynda boldy. Aýdan ákimi Arman Qarsybaev aýdanda týrizmdi damytý maqsatynda qolǵa alynǵan jaǵajaiǵa baratyn jol qurylysymen tanystyrdy. Qazirgi ýaqytta munda joldy tegisteý jáne tas tóseý jumystary júrgizilýde. Josparǵa sáikes, asfalt tóselip, jaǵajai aýmaǵyna elektr jelisi tartylady.
Keiinnen, Shardara qalasynyń «Óteǵul» shaǵynaýdanynda salynyp jatqan 300 oryndyq «jaily mekteptiń» qurylys barysy tanystyryldy. Qurylys jumystaryn baqylaǵan Erkebulan Daýylbaev merdigerge jobany sapaly ári belgilengen merzimde aiaqtaýdy tapsyrdy. Sonymen qatar J.Qoldasov kóshesinde áleýmettik osal toptarǵa arnap salynyp jatqan 10 turǵyn úidi aralap kórdi. Odan bólek, «Taza Qazaqstan» baǵdarlamasy aiasynda júzege asyp jatqan №2 shaǵyn aýdandaǵy burynǵy bei-bereket qoqys orny bolǵan jerdi abattandyrý jumystarymen tanysyp, usynystardy tyńdady.
Aýdanǵa issapar barysynda apparat basshysy «Bolashaq» shaǵynaýdanyndaǵy jeke investitsiia esebinen salynyp jatqan 5 qabatty, 60 páterli turǵyn úi qurylysynyń barysymen tanysty. Investorlarmen jáne sala mamandarymen kezdesip, nysannyń sapasy men injenerlik júielermen tolyq qamtylýyn pysyqtady. Úidiń sapasyna erekshe mán berýdi tapsyrdy. Jobalardyń ýaqytyly, ári sapaly aiaqtalýy – turǵyndardyń ómir súrý sapasyn arttyrýdyń mańyzdy faktorlarynyń biri ekenin atap ótip, nysandardyń qurylysy baqylaýda bolatynyn jetkizdi.
Osy kúni apparat basshysy Keles aýdanyna baryp, birqatar nysandy aralady. Aýdan ákimi Jánibek Aǵybaev atqarylyp jatqan jumystar týraly baiandap, qurylys barysymen tanystyrdy.
Aýdanǵa qarasty Abai aýylynda «Jaily mektep» jobasy aiasynda 600 oryndyq bilim ordasy, sport kesheni men eki qabatty 16 páterli turǵyn úi salynyp jatyr. Al, Birtilek aýylynda 300 oryndyq mektep boi kóterýde. Odan bólek, Jańa býyndy damytý ortalyǵy men murajai ǵimaratynyń qurylysy júrgizilip jatyr. Nysandardy aralaý barysynda Erkebulan Daýylbaev merdigerlerge eskertýler aityp, jumysty shiratýdy, sapaǵa jumys isteýdi tapsyrdy.
