Túrkistan oblysynyń ákimi Nuralhan Kósherov Shardara aýdanyna jumys saparymen baryp, «Shardara» sý qoimasy mańyndaǵy jaǵajailardy aralap kórdi. Týristik nysandardyń jai-kúiimen tanysyp, sanitarlyq tazalyq jáne qaýipsizdik talaptaryna sáikestigin qadaǵalady. Jaýapty tulǵalar men jaǵajai jumysyn júrgizip jatqan kásipkerlerge anyqtalǵan kemshilikter boiynsha syn-eskertpe aityp, naqty tapsyrmalar berdi,- dep habarlaidy Dalanews.kz
Týrister jii baratyn negizgi oryndar – «Nurdelux», «ER I ZHAN», «Altyn jaǵalaý» jáne ózge de demalys oryndary demalýshylardyń nazaryn kóbirek aýdaryp otyr.
– Memleket basshysy eldegi barlyq týristik baǵyttyń jaǵdaiyn retke keltirýdi tapsyrdy. Bul másele nazarymyzdan túsken emes. Óńirde týristik oryndardy retteý, sanitarlyq tazalyǵyn saqtaý boiynsha eki jyldan naqty tapsyrmalar berilip, jumystar atqarylyp keledi. Biraq áli de kemshilik kóp. Jaǵajailardy jedel retke keltirińizder. Tazalyq, qaýipsizdik talaptaryn saqtamaǵandaryna zań sheńberinde jumys júrgizilsin. Osy demalys oryndaryna ielik etip otyrǵan kásipkerler óz mindetin adal atqarsyn. Jaǵajailarǵa qajetti talaptar saqtalmasa, kelisimshartty toqtatý kerek. Jaýapty basqarma basshylary, aýdan ákimdiginiń jaýapty tulǵalary osy másele boiynsha shuǵyl jumys atqaryńyzdar. Demalys oryndarynda tirkelgen jumysshylar sanyn, salyq tólemderin de júieleńizder. Eń basty másele – demalýshylardyń qaýipsizdigi. Eger týrizm damysyn desek, tazalyq pen qaýipsizdik basty nazarda bolýy kerek. Jaǵajaiǵa kelýshilerdiń tazalyq talaptaryn saqtaýy da qadaǵalansyn, – degen Nuralhan Kósherov jaýapty basshylarǵa naqty mindetter júktedi.
Jaǵajailardy aralap kórgen oblys ákimi aýdan ákimdiginiń ǵimaratynda jaǵajailar men týristik nysandardyń jumysyn retteý boiynsha májilis ótkizdi.
– Týristik nysandar – bizdiń kelbetimiz. Memleket basshysy osy baǵytta naqty mindetter júktep otyr. Jańa jaǵajailardy aralap shyqtyq. Qaýipsizdik, tazalyq boiynsha kemshilikterdi kórdik. Tótenshe jaǵdaiǵa jaýapty mekemeler jumysty kúsheitip, kemshilikterdi joiýy kerek. Politsiia tarapynan tazalyq talaptarynyń oryndalýy, alkogoldi ishimdikterdiń satylmaýy, jalpy tártiptiń saqtalýy qadaǵalansyn. Turǵyndardyń qaýipsizdigi – eń basty másele. Ekinshiden, osy týristik nysandardyń salyq tólemderine qatysty da suraqtar bar. Jergilikti kirister basqarmasy jumysty shiratsyn, – degen Nuralhan Kósherov «Qazsýshar» mekemesi men Shardara aýdany ákimdigine jáne Túrkistan oblysynyń tabiǵi resýrstar jáne tabiǵat paidalanýdy retteý basqarmasyna demalys oryndaryn tirkeý, zańdylyǵyn saqtaý boiynsha tiisti tapsyrmalar berdi.
Týrizmge jaýapty salǵyrttyqqa jol bergen basshylar pen qyzmetkerlerge tiisti tártiptik shara kórýdi mindettedi. Sonymen birge jaǵajailarda qutqarýshylar sanyn kóbeitý, sýǵa tym jaqyn ornalasqan sákilerdi talapqa sai alystatý, avtoturaqty retteý jáne ózge de tapsyrmalar berildi. Monitoring jumystary turaqty jalǵasady.
