Ótken jyly osy óndiris oryndarynda 7844,5 mln. teńgeniń ónimi óndirilip, 2016 jylmen salystyrǵanda 4,7 paiyzǵa artqan. «Indýstrialdy-innovatsiialyq damý baǵdarlamasy» aiasynda osy ýaqytqa deiin aýdanda jalpy quny 1482 mln. teńgeni quraityn 5 joba iske asyryldy.
«Aǵymdaǵy jyly ónerkásip ónimin 8960 mln.teńgege jetkizý josparlanǵan. «Indýstrialdy-innovatsiialyq damý baǵdarlamasy» sheńberinde aýdanǵa investitsiia tarta otyryp, aǵymdaǵy 3 birdei jobany iske asyrý kózdelip otyr.
Olardyń qatarynda jalpy jobalyq quny 200 mln. teńgeni quraityn óndiristik qýattylyǵy 600 tonnalyq «Baiterek BBM» JShS-ń «Balyq óńdeý zaýytynyń qurylysy» bar. Qazirgi tańda qurylys jumystarynyń 70 paiyzy aiaqtalǵan. Sondai-aq, óndiristik qýattylyǵy 20 myń tonnany quraityn «Ai-Kajy» Ak-altyn» JShS-ń «Maqta óńdeý zaýytynyń qurylysy» jobasy bar. Úshinshisi, «Shardara GES» AQ-nyń qaita jańǵyrtý jobasy. Atalǵan jobalardy iske qosý arqyly 400 adamǵa jańa jumys orny ashylady», – deidi bul oraida aýdan ákimi Bolatbek Qystaýov.
Sondai-aq, «Biznestiń jol kartasy-2020» kásipkerlikti qoldaý jáne damytý biryńǵai baǵdarlamasy aiasynda aýdanda ótken jyly 14 jobaǵa qoldaý kórsetilip, óńirlik úilestirý keńesimen maquldanǵan.
