Shanhai uiymy. Aýǵanstanda tynyshtyq ornamai, uiym keńistiginde turaqty damý bolmaidy
Kún tártibindegi máselelerdi talqylaý jabyq esik jaǵdaiynda ótti. Jinalystan soń Tájikstannyń syrtqy ister ministri Sirodjiddin Mýhriddin uiym elderi Aýǵanstandaǵy jaǵdaidy talqylaǵanyn málimdedi. «Biz koalitsiia kúshteri Aýǵanstannan shyǵarylǵan soń onda qalyptasqan jaǵdaiǵa alańdaimyz» dedi ministr.
ShYU syrtqy ister ministrleri uiymǵa múshe elder men olardyń kórshileriniń qaýipsizdigi qamtamasyz etilmei, uiym keńestiginde turaqty damý bolmaidy dep esepteidi.
Biyl qyrkúiekte Dýshanbede ShYU-ǵa múshe elderdiń basshylarynyń sammiti ótedi. Ministrler keńesiniń 14 shildedegi jinalysynda Dýshanbedegi sammit týraly qaýly qabyldandy. Sammitte 2022-2024 jyldary terrorizm, separatizm jáne ekstremizmmen kúreste uiymǵa múshe elderiniń áriptestigi baǵdarlamasy qaralady.
Sarapshylar osy uiymǵa múshe elder Aýǵanstandaǵy jaǵdaiǵa yqpal etip, elde turaqtylyq ornaýyna kómektese alady dep esepteidi.
Shanhai yntymaqtastyǵy uiymyna Qytai, Úndistan, Qazaqstan, Qyrǵyzstan, Pákistan, Resei, Tájikstan jáne Ózbekstan múshe. Sarapshylardyń deni koalitsiiany Resei men Qytaidyń saiasi quraly retinde qarastyrady.
«Shanhai bestigi» Qytai men burynǵy sovettik respýblikalar arasyndaǵy shekara máselelerin sheshý úshin qurylǵan. Aýǵanstan, Belarýs, Iran jáne Mońǵoliia uiymda baqylaýshy mártebesine ie. Armeniia, Ázirbaidan, Kambodja, Nepal, Túrkiia jáne Shri-Lanka ShYU-ǵa áriptes elder sanalady.
