"Zaman talabyna saı, balalarymyz, eń birinshi, óz ana tilin, qazaq tilin bilýi kerek. Sebebi, qazaq tilin biz tek Qazaqstanda ǵana damyta alamyz. Ekinshiden, jalpy ıntegrasıalaný úshin, basqa kórshi memlekettermen jumys isteý úshin bizge orys tili men aǵylshyn tili qajet. Mine, osy jaǵdaıǵa baılanysty qazir mektepterde pánder qazaq, orys jáne aǵylshyn tilinde oqytylyp jatyr", - dedi Shámshıdınova úkimet kýlýarynda.
Mınıstr mektepter pánderdi aǵylshyn tilinde oqytýǵa birtindep kóshetinin atap ótti.
"Árıne, eldiń bárin kóp tolǵandyryp, kóp shýlatqan másele – ol pánderdi aǵylshyn tilinde oqytý. Osyǵan baılanysty mınıstrlik qazir kadrlardyń daıyndyǵyna qaraı birtindep kóshýdi qarastyryp otyr", - dedi ol
Onyń aıtýynsha, 2016 jyly joǵary oqý oryndarynda aǵylshyn tilinde sabaq beretin muǵalimderdi daıarlaýǵa memlekettik tapsyrys berilgen.
"Sol tapsyryspen bolashaq muǵalimder kelesi jyldan bastap ýnıversıtterdiń qabyrǵalarynan shyǵa bastaıdy. Sondyqtan da balalardy aǵylshyn tilinde oqytý máselesi kezeń-kezeńmen, kadrlardyń jáne mektepterdiń daıyndyǵyna baılanysty mektepterdiń qalaýymen birtindep engiziledi. Biz qazir 15 mektep nemese 20 mektep engizsin degen talap qoıyp otyrǵan joqpyz", - dedi Shámshıdınova.
