Májilistiń Áleýmettik-mádeni damý komitetinde "Kreativti indýstriiany damytý" taqyrybynda talqylaý ótti. Otyrys barysynda Májilis depýtaty Nartai Aralbaiuly baiandama jasap, avtorlyq quqyq máselesin kóterdi, - dep habarlaidy Dalanews.kz.
Depýtattyń aitýynsha, elimizde 15-16 avtorlyq qoǵam bar.
"Olardyń jumysyna qatysty kóptegen syn bar, avtorlyq qoǵamǵa shyǵarmashylyq adamdardyń shyǵarmashylyǵyn tutynǵany úshin túsetin aqshanyń 70 paiyzyn qoǵam ózi alyp qalady. 30 paiyzyn avtorǵa beredi", - dedi ol.
Nartai Aralbaiuly 2010 jyly zertteý júrgizip, avtorlyq qoǵamǵa baryp, 20 myń teńge tólep, Jumeken Nájimedenov pen Muqaǵali Maqataevtyń bir-bir óleńine avtor atanǵanyn da aitty.
"Kassaǵa tóleńiz, avtorlyq quqyq beremiz" dedi. Eshkim tekserip jatqan joq. Muqaǵali men Jumekendi teksermegende basqa avtorlardy tekseredi deý qate shyǵar", - dedi ol.
Depýtat avtorlyq qoǵamdar Shámshiniń shyǵarmashylyǵy úshin urpaǵyna mardymsyz aqy tólep otyrǵanyn málimdedi.
"Avtorlyq qoǵamdar avtorlardyń quqyǵyn qorǵamaitynynyń taǵy bir dáleli: osy jerde kýágerleri otyr. Shámshi Qaldaiaqovtai uly tulǵamyzdyń shyǵarmalaryn oryndaǵany úshin urpaǵyna bir maýsymda, iaǵni úsh aida 18 myń teńge ǵana tólegen. Shámshiniń áninsiz ótken kesh bar ma bul qazaqta?!" - deidi ol.
Aita keteiik, buǵan deiin komitet otyrysynda tanymal basger Reseige salynǵan sanktsiianyń qazaq baspagerleri úshin qandai ziiany baryn aitty.
Baqytjan Buqarbaidyń sózine sensek, Resei men Ýkraina arasyndaǵy soǵys bastalǵaly sanktsiia máselesi Reseidegi kitap salasyn ainalyp ótpegen.
"Resei baspagerleri sanktsiiaǵa ushyrap, olar qazir kóp kitap basyp, aýdaryp-shyǵarýǵa ruqsat ala almaidy. Sondyqtan zańdy kompaniialardy elimizdiń aýmaǵynda tirkedi. Basynda zańdy meken jai úshin tirkedi me dep oilasaq, olar myna jerge kelip te, naryqta bar tapsyrystardy alý úshin áreket etip jatyr. Árine, biz ashyq naryqpyz. Eshkimge tyiym sala almaimyz. Biraq býyny qatpaǵan qazaq baspagerleri úshin milliondaǵan biýdjeti bar reseiliktermen básekelestikke túsý - qiyn problema", - dedi ol.
