Esterińzge salamyz, 2019 jyldyń qyrkúiek aiynyń 15-shi juldyzynda Qarasai aýdany Jibek-joly aýylyndaǵy temir jol beketinde jol-kólik apaty oryn alǵan edi. Oqys oqiǵadan keiin nysannyń qurylysy bastalǵan-dy.
Kópirdi qalpyna keltirýge jergilikti biýdjetten 364 mln 500 myń teńge bólindi. Tapsyrys berýshi Almaty oblysynyń jolaýshylar kóligi jáne avtomobil joldary basqarmasy. Al, jumysqa jaýapty merdiger «RÝS-13» JShS bolyp tabylady.
Kópirdiń uzyndyǵy 61,56 metrdi quraidy. Nysan basyna bailanys jelileriniń injenerlik jelilerin aýystyrý, irgetas plitasynyń astyna topyraqty turaqtandyrý, tirek irgetasynyń monolitti plitalary, baspaldaqtardyń metall baǵanalary ornatylyp, elektr tartylyp, jaryq júrgizilgen.
Sondai-aq, jańa kópirde sándik shaǵylystyrǵysh panelder bar jáne obektiniń aýmaǵy tolyǵymen abattandyrylǵan. Endigide turǵyndar jańa kópirdiń igiligin kórmek.
– Bir jyly buryn dál osy jerde qaiǵyly jaǵdai oryn alǵan edi. Sol kezde ýáde bergen edim. Búgin mine nátijesin kórip otyrsyzdar. Jaýapty mamandarmen birlese otyryp kópirdi qalpyna keltirdik, – dedi Amandyq Ǵabbasuly.
Budan basqa, osy óńirde 2019 jyldan bastap oblystyq mańyzy bar «Almaty 1 – Shamalǵan – Uzynaǵash stantsiiasy» avtomobil jolyna jóndeý jumystary júrgizilýde.
