Áleýmettik jelini kiris kózine ainaldyrǵandar kóp. Biraq aýylda otyryp-aq, aiyna milliondap tabys tabatyndar neken saiaq.
Qostanai oblysynyń Jaldama aýyly. Nebary 50 shaqty tútin bar munda. Eldimekendegi negizgi tabys kózi mal sharýashylyǵy. Biraq Jumaǵalievter otbasy zamanýi trendterdi igerip, táp-táýir kiris kórip otyr. Shalǵai aýyldaǵy shaǵyn shańyraq áleýmettik jeli arqyly aiyna 4 million aqsha tabady.
Aslanbek Jumaǵaliev, Jaldama aýylynyń turǵyny:
Qazirgi ýaqytta Sizde jaqsy internet pen smartfonyńyz bolsa, sizdiń qolyńyzdan keletin nárseler fantaziiańyzben ǵana shekteledi. Osyndai shaǵyn aýylda turyp, barlyq álem tanityn, álem kóretin videolar jasaýǵa bolady.
Aslanbek alǵashqy millionyn 21 jasynda tapqan. Iýtýb jelisine bar-joǵy 1 saǵat ýaqytyn bólip, 10 minýttyq tanymdyq video daiyndaidy. Qazir onyń qoldanystaǵy kanalyna 1 million adam jazylyp úlgergen eken. Álemge áigili jeli Aslanbektiń eńbegin elep, kúmis batyrmasyn syiǵa tartqan.
Aslanbek Jumaǵaliev, Jaldama aýylynyń turǵyny:
Qazaqstandaǵy tanymal blogerlerdiń birine instagramm, iýtýb stranitsalaryn damytýǵa kómektestim. Sóitip ýaqyt óte kele oiladym. Nege men bireýlerge kómektesip júrmin, biraq ózim nege sonymen ainalyspasqa dep. Sóitip 2019 jyly ózimen kanal ashyp, 1 jarym jylda 1 million podpischik jinadym.
"Tek ǵalamtordyń álsizdigi ǵana qolbailaý", deidi jas bloger. Niet pen umtylys bolsa, ol da kedergi emes. Úiden shyqpai-aq álemdi baǵyndyrýǵa bolady. Otanasy men úidiń kenjeleri de hobbilerin kiris kózine ainaldyryp úlgergen eken.
Ajar Qojahmetova, Jaldama aýylynyń turǵyny:
Ulym Aslanbektiń aitýy boiynsha, mama úide otyryp ta aqsha tabýǵa bolady. Súiikti isińizben ainalysqyńyz kelse, jasaǵan tamaqtaryńyzdy kúnde videoǵa túsirip otyrasyz da, solai bolad degennen keiin tanystarym, dostarym tamaqtarymdy maqtap jatady. Basynda qorqynysh boldy, ydystarym onsha emes, qaladaǵydai ashanam joq dep. Yńǵaisyzdandym. Bári shynaiy, shynaiylyqty jaqsy kóredi.
Qazir jeli qoldanýshylary jyltyraǵan ómirden jalyǵyp, barynsha shynaiylyqqa bet burýda. Sondyqtan da Jumaǵalivter osy baǵytty ustanǵan. Dýbaidaǵy demalysta jasalǵan kontentten góri, qora-qopsyda siyr saýyp júrgen videolar kóp kórilim jinaidy. "Osy oraida, mańyzdysyn umytpaǵan jón", deidi Jumaǵalievter. Internet arqyly aqsha tabamyn dep, jeńildiń ústi, aýyrdyń astymen júrýdi ádetke ainaldyrmaý.
https://youtu.be/U21aPrGXqmE
