Taıaýda S.Mataevtyń áıeli Baıan Ramazanova kúıeýine qatysty qozǵalǵan isti reıderlik tartyp alý dep esepteıtinin málim etti.
– Bizdiń otbasy jarty jyl boıy qyspaqqa alynyp keledi. Biz – qoǵamnan alastalǵan jandar emes, ómir boıy azamattardyń quqyǵyn qorǵap kele jatqan jýrnalısermiz. Osyndaı jaǵdaıǵa ushyraýymyz bizdi eseńgiretip otyr. Otbasymyz jasaǵan nárseniń bári bizge aspannan túsken joq, muragerlikke berilgen joq. Osynyń bári 30-40 jyl ishinde jasaldy. Al qazir tal túste ashyqtan-ashyq reıderlik tartyp alý jasalmaqshy. Biz ózimizdiń kinásiz ekenimizdi 6 aı boıy dáleldeı almaı kelemiz. Bizde quqyqtyq shekten shyǵý bar eken. Bizde adam quqyn qorǵaıtyn Parlament, Joǵarǵy Sot, Bas Prokýratýra, birde-bir uıym joq sıaqty. Bizde kinásizdik prezýmpsıasy joq. Seıitqazy sıaqty belgili jýrnalıs, qoǵam qaıratkeri óziniń kinásizdigin dáleldeı almasa, onda qarapaıym adamdar týraly ne aıtýǵa bolady? – dedi B.Ramazanova.
...Seıitqazy Mataevqa jáne taǵy da basqa birneshe azamatqa qatysty qozǵalǵan qylmystyq is ótken aptada Astananyń №2 Esil aýdandyq sotynyń qaraýyna ótti.
T. TURAN.
Derekkózi: "Zamana" gazeti
