Qazaqstannyń Konstitýtsiialyq soty shetelge turaqty turýǵa ketken azamattardyń zeinetaqy tólemderine qatysty Áleýmettik kodeks normalaryn qarady., dep habarlaidy dalanews.kz.
Iske azamattardyń zeinetaqy alý quqyǵyn Qazaqstan aýmaǵynda turaqty turýmen bailanystyratyn normalardyń zańdylyǵyna kúmán keltirgen sottyń ótinishi sebep bolǵan.
Shetelge kóshý zeinetaqydan aiyra ma?
Konstitýtsiialyq sottyń málimetinshe, azamattyń elden tys jerge turaqty turýǵa kóshýi onyń zeinetaqy alý quqyǵynan avtomatty túrde aiyrylatynyn bildirmeidi.
Sot Qazaqstan azamattary shetelge ketkennen keiin de ózderiniń konstitýtsiialyq quqyqtary men kepildikterin saqtaitynyn atap ótti.
Tólemdi toqtatýǵa tek zań aiasynda jol beriledi
Sonymen qatar Konstitýtsiialyq sot zeinetaqy tólemderin toqtatý tek zańda naqty kórsetilgen jekelegen sanattarǵa qatysty ǵana qoldanylýy múmkin ekenin túsindirdi.
Iaǵni memleket barlyq jaǵdaida birdei tólemdi toqtata almaidy.
Úkimetke bir jyl ishinde ózgeris engizý usynyldy
Osyǵan bailanysty Konstitýtsiialyq sot úkimetke bir jyl ishinde Áleýmettik kodekske túzetýler ázirleýdi usyndy.
Túzetýler sottyń bergen túsindirmeleri men quqyqtyq ustanymdaryn eskere otyryp daiyndalýy tiis.
