Eshnárnesi jasyryp qala almaisyń qazir. Zaman sondai óitkeni. Jylt etip jańalyqtarda júredi ertesine. Reseidiń tanymal ánshisi Aleksandr Serovqa syilanǵan saǵattyń qunyn estigen "Qala men Dala" gazetiniń turaqty oqyrmany, aqsaqal Jumash Shúikenov habarlasty redaktsiiamyzǵa. Bylai dedi...
Serovta sharýam joq. Saǵatta da. Syilady. Aldy. Nesi ketti onyń?
Sonda da bolsa ishiń kúiedi eken. Əldenege yzalanasyń. Yza bolasyń.
Serovqa syilanǵan saǵatpen seniń de sybaǵań birge ketkendei kúige túsesiń.
Bai men kedeidiń arasyndaǵy bólinis bizdiń elde sonshalyqty aiqyn, sonshalyqty alshaq ekenine kezekti ret kóziń jetedi.
Orystyń ənshisi Serovqa tartý etilgen saǵattyń quny 310 myń teńge eken. Teńge deppin ǵoi, dollar. 310 myń dollar! Onysyn urlatyp alypty əlgi sorly.
Serov Qazaqstanǵa saparlatyp kelgende syilapty əlgi saǵatty.
Bizdiń aqshaǵa shaqqanda shamamen 100 mln-ǵa shyǵady eken.
Keshe bazarǵa bardym. Qur súlderi qalǵan halyqtyń. Jumys izdep júrgen kim? Qazaq. Kómir izdep júrgen kim? Qazaq.
Qazaq júdeý. Sebebi, kedei. Kedeishilik kemirip barady qazaqty. Qymbatshylyq dińkeletip jatyr qazaqty.
Serovty oilaityn murshasy joq qazaqtyń. Murnynan shanshylyp júr óitkeni. Tyrbanyp jatyr. Ətteń ónbeidi. Jetpeidi. Mańdai teri ótelmeidi
Memlekettiń meiirimi jetpei tur qazaqqa. Serov siiaqtylarǵa syilanyp jatyr qazaqtyń nesibesi. Serov siiaqtylarǵa syi jasap jatqandar muny oilaidy ma eken?..
Jazyp alǵan, Dýman Byqai
