Almaty ákimi Darhan Satybaldy ulttyq «Keleshek mektepteri» jobasy aiasyndaǵy merdiger kompaniianyń jumysyna kóńili tolmady. Onyń aitýynsha, Bazis-A kompaniiasy merzimdi saqtamai, ákimdikti qiyn jaǵdaiǵa qaldyryp otyr,- dep habarlaidy Dalanews.kz
"Biz sizderge sendik, al sizder senimdi aqtamadyńyzdar. Almatyda toǵyz mekteptiń qurylysyn aldyńyzdar, biraq bárinde problema bar. Jumysty tapsyryńyzdar. Óitkeni bulai jalǵasa berýge bolmaidy. Munda balalar oqidy jáne biýdjet qarjysyn da eskerý kerek", – dedi Satybaldy.
Ákim mektep qurylysyn tamyzǵa deiin aiaqtaýdy talap etti, sebebi qyrkúiekte oqýshylar oqý jylynyń alǵashqy kúnin jańa mektepterde bastaýy tiis. Óz kezeginde kásipker belgilengen merzimge deiin jumysty bitirýge ýáde berdi.
