Bul týraly búgin Óńirlik komýnıkasıalar qyzmetinde ótken brıfıńte Túrkistan oblysynyń Ádilet departamentiniń basshysy Muhıt Turǵaraev málimdedi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.
«Ádilet departamenti 2024 jyldyń İ jarty jyldyǵynda azamattarǵa 1 048 memlekettik qyzmet kórsetken. Odan bólek, oblys kóleminde jalpy 576 zańdy tulǵalar boıynsha memlekettik qyzmet kórsetilgen. Alty aıda departamentke notarıýstardyń is-áreketterine qatysty 54 aryz-shaǵym túsip, 2 notarıýstyń qyzmeti men 1 advokattyń lısenzıasy toqtaǵan. Budan bólek, departament tarapynan 4 jeke sot oryndaýshy lısenzıasynan aıyrylyp, 2 jeke sot oryndaýshynyń lısenzıasy ýaqytsha toqtatyldy.
Sonymen qatar, 3 487 azamatqa tegin quqyqtyu kómekkórsetilgen. Búgingi tańda sot sheshimi boıynsha ata-anadan kámeletke tolmaǵan balalardyń paıdasyna alıment óndirý ózekti máselelerdiń biri bolyp otyr. Jalpy, 2024 jyldyń 6 aıynda alımentti óndirip alý týraly atqarý qujattary boıynsha ákimshilik jaýapkershilikke tartylǵan boryshkerler sany – 84. Al, jeke sot oryndaýshylarymen qylmystyq qýdalaý organyna 7 usynys joldanǵan. Sondaı-aq, boryshkerlerdi jumyspen qamtý maqsatynda «Bos oryndar» jármeńkesi ótip, boryshkerdiń 43-i jumysqa ornalastyryldy»,- dedi departament basshysy.
Sondaı-aq, «Azamattarǵa arnalǵan úkimet» Memlekettik korporasıasy» KEAQ Túrkistan oblysy boıynsha fılıalymen jyljymaıtyn múlikke quqyqtardy tirkeý boıynsha jalpy 80 809 memlekettik qyzmet kórsetilgen. Odan bólek, 36 802 azamattyq hal aktileri tirkelgen. Onyń ishinde, týýdy tirkeý – 26 743, qaıtys bolý – 4 821, nekege turýdy tirkeý – 4 927, nekeniń buzylýyn tirkeý – 311 bolǵan.
