Qazaqmystyń Kadr daiarlaý jáne qaita daiarlaý ortalyǵynyń bazasynda (KDQDO) óndiristik táýekelderdiń negizgi túrleri boiynsha Qauipsizdik Start (QStart) oqytý baǵdarlamasyn júzege asyrý jalǵasýda, dep habarlaidy dalanews.kz.
15 maýsymnan bastap baǵdarlamaǵa Ulytaý oblysyndaǵy «Tranco Industrial Railways Transportations» JShS kólik-logistikalyq kompaniiasynyń qyzmetkerleri qosyldy.
Baǵdarlama «Qazaqmys» Tobynyń óndiristik qaýipsizdikti jetildirý jáne kásiporyndar men merdiger uiymdarda táýekelge baǵdarlanǵan tásildi damytý jónindegi júieli jumystyń bir bóligi.
Oqytý barysynda óndiristik ortada oryn alýy múmkin yqtimal táýekeldi anyqtaýǵa, saldaryn baǵalaýǵa jáne tiimdi sheshim qabyldaý boiynsha praktikalyq daǵdy qalyptastyrýǵa basymdyq beriledi.
"Kez kelgen kompaniiada qyzmetkerdiń ómiri men densaýlyǵy birinshi orynda turady. Qaýipsizdik boiynsha ótkizilip jatqan is-sharalar – osynyń naqty dáleli», – dep atap ótti «Tranco Industrial Railways Transportations» kompaniiasynyń qyzmetkerleriniń biri.
Oqytý baǵdarlamasy stsenariilik jattyǵýlardy, óndiriste kezdesetin naqty jaǵdailardy taldaýdy jáne tótenshe jaǵdailarda áreket etý daǵdysyn pysyqtaýdy qamtidy. Bul adam faktoryna bailanysty táýekelderdi tómendetýge yqpal etedi.
«Qazaqmys óndiristik táýekelderdi baǵalaý jáne óndiristegi jazataiym oqiǵalardyń aldyn alý máseleleri boiynsha oqytý júrgizip jatyr. Alǵan bilimimiz bizge óndiristegi kúndelikti jumysymyzda kómektesedi», – dep áserimen bólisti baǵdarlama qatysýshysy.
Daiarlyqtyń tiimdiligin arttyrý maqsatynda Kadr daiarlaý jáne qaita daiarlaý ortalyǵynda oqý baǵdarlamasy «Qaýipsizdik-2026» strategiiasyna sáikes jańartylyp, bilimdi táýelsiz baǵalaý jáne elektrondy sertifikat berý júiesi engizildi.
Qauipsizdik Start baǵdarlamasyn damytý óndiristik táýekelderdi basqarýdyń biryńǵai tásilderin qalyptastyrýǵa jáne «Qazaqmys» Tobynyń óndiristik alańdarynda qaýipsizdik mádenietin júieli túrde nyǵaitýǵa múmkindik beredi.
