Tailandtyń Phýket aralynda 30 jastaǵy Qazaqstan azamaty birneshe jol-kólik oqiǵasyna sebep boldy, dep habarlaidy dalanews.kz.
Jergilikti aqparat kózderiniń málimetinshe, áiel áýeli kóliginiń ishinde uzaq ýaqyt otyryp, syrtqa shyǵýdan bas tartqan.
Keiin kólikti retsiz júrgizip, politsiianyń eskertýine baǵynbaǵan. Quqyq qorǵaý organdary ony toqtatýǵa áreket jasaǵan saiyn júrgizýshi gazdy basyp, qozǵalysyn jalǵastyra bergen.
Qýǵyn barysynda onyń kóligi birneshe kólikpen, onyń ishinde shaǵyn avtobýs pen mototsiklmen soqtyǵysqan. Saldarynan eki adam jaraqat alǵan.
Politsiia júrgizýshini tek kóliktiń búiir terezesin syndyryp, kúshpen syrtqa shyǵarǵannan keiin ǵana ustai alǵan.
Aldyn ala málimet boiynsha, áieldiń emotsionaldyq jaǵdaiy turaqsyz bolǵan. Buǵan onyń jeke ómirindegi máseleler sebep bolýy múmkin ekeni aitylǵan.
Qazirgi ýaqytta Qazaqstan azamatshasy qamaýda otyr. Oqiǵaǵa qatysty qylmystyq is qozǵalyp, tergeý júrip jatyr. Qazaqstannyń Syrtqy ister ministrligi bul jaǵdaiǵa bailanysty ázirge resmi aqparat bermedi.
