بۇل تۋرالى بۇگىن وڭىرلىك كوممۋنيكاسيالار قىزمەتىندە وتكەن بريفينگتە تۇركىستان وبلىسىنىڭ ادىلەت دەپارتامەنتىنىڭ باسشىسى مۇحيت تۇرعارايەۆ مالىمدەدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
«ادىلەت دەپارتامەنتى 2024 جىلدىڭ ءى جارتى جىلدىعىندا ازاماتتارعا 1 048 مەملەكەتتىك قىزمەت كورسەتكەن. ودان بولەك، وبلىس كولەمىندە جالپى 576 زاڭدى تۇلعالار بويىنشا مەملەكەتتىك قىزمەت كورسەتىلگەن. التى ايدا دەپارتامەنتكە نوتاريۋستاردىڭ ىس-ارەكەتتەرىنە قاتىستى 54 ارىز-شاعىم ءتۇسىپ، 2 نوتاريۋستىڭ قىزمەتى مەن 1 ادۆوكاتتىڭ ليسەنزياسى توقتاعان. بۇدان بولەك، دەپارتامەنت تاراپىنان 4 جەكە سوت ورىنداۋشى ليسەنزياسىنان ايىرىلىپ، 2 جەكە سوت ورىنداۋشىنىڭ ليسەنزياسى ۋاقىتشا توقتاتىلدى.
سونىمەن قاتار، 3 487 ازاماتقا تەگىن قۇقىقتىۇ كومەككورسەتىلگەن. بۇگىنگى تاڭدا سوت شەشىمى بويىنشا اتا-انادان كامەلەتكە تولماعان بالالاردىڭ پايداسىنا اليمەنت ءوندىرۋ وزەكتى ماسەلەلەردىڭ ءبىرى بولىپ وتىر. جالپى، 2024 جىلدىڭ 6 ايىندا اليمەنتتى ءوندىرىپ الۋ تۋرالى اتقارۋ قۇجاتتارى بويىنشا اكىمشىلىك جاۋاپكەرشىلىككە تارتىلعان بورىشكەرلەر سانى – 84. ال، جەكە سوت ورىنداۋشىلارىمەن قىلمىستىق قۋدالاۋ ورگانىنا 7 ۇسىنىس جولدانعان. سونداي-اق، بورىشكەرلەردى جۇمىسپەن قامتۋ ماقساتىندا «بوس ورىندار» جارمەڭكەسى ءوتىپ، بورىشكەردىڭ 43ء-ى جۇمىسقا ورنالاستىرىلدى»،- دەدى دەپارتامەنت باسشىسى.
سونداي-اق، «ازاماتتارعا ارنالعان ۇكىمەت» مەملەكەتتىك كورپوراسياسى» كەاق تۇركىستان وبلىسى بويىنشا فيليالىمەن جىلجىمايتىن مۇلىككە قۇقىقتاردى تىركەۋ بويىنشا جالپى 80 809 مەملەكەتتىك قىزمەت كورسەتىلگەن. ودان بولەك، 36 802 ازاماتتىق حال اكتىلەرى تىركەلگەن. ونىڭ ىشىندە، تۋۋدى تىركەۋ – 26 743، قايتىس بولۋ – 4 821، نەكەگە تۇرۋدى تىركەۋ – 4 927، نەكەنىڭ بۇزىلۋىن تىركەۋ – 311 بولعان.
