Almaty ákimi Darhan Satybaldy 2025 jyldyń III toqsanynda «Taza Qazaqstan» respýblikalyq ekologiialyq aktsiiasyn iske asyrý jóninde keńes ótkizdi. Jiynǵa aýdan ákimderi, qala basqarmalardyń basshylary jáne tiisti sala ókilderi qatysty,- dep habarlaidy Dalanews.kz
Qala ákimi bastamany iske asyrý júieli kózqaras pen kúndelikti baqylaýdy talap etetinin jetkizdi.
«Taza Qazaqstan» aktsiiasy erekshe baqylaýda. Bizdiń mindetimiz – bir rettik senbilikter ótkizý emes, kóshelerde, aýlalarda jáne halyqtyń sanasynda naqty ózgeristerge qol jetkizý», – dedi Darhan Satybaldy.
Igi iske júieli túrde daiyndalý maqsatynda jeti negizgi baǵyt boiynsha 81 is-sharany qamtityn Jospar-tapsyrma jasalyp, qala sektory boiynsha kúndelikti bólinetin jelilik keste ázirlengen.
Jiynda aktsiiaǵa qatysty aqparattyq jumystardy joǵary deńgeide júrgizýge erekshe kóńil bólindi. Aýqymdy medianaýqan bastalyp, urandar, beinerolikter, aýdioónimder ázirlenip,160 LED-ekranda, turǵyn úilerdiń liftilerinde, metro men radiostantsiialarda, áleýmettik jelilerde kórsetilip jatyr. Sonymen qatar, aktsiia aiasynda qalalyq ekofestivalder ótip, olarǵa qoǵam qairatkerleri de qatysyp jatyr.
Keńes barysynda Alataý aýdanynyń ákimi Talǵat Malybaev pen Naýryzbai aýdanynyń ákimi Názira Toǵyzbaeva esep berdi. Alataý aýdanynda senbilikter turaqty ótkizilip keledi, kóshelerdi kóriktendirý jáne aýlalardy tazalaý jumystary qolǵa alynǵan. Naýryzbai aýdanynda beibereket qoqys tastaý, abattandyrý tártibiniń buzylýy men zańsyz jarnama ornalastyrýǵa qarsy baqylaý jumystary kúsheitilgen.
«Saiabaqtarǵa, ózenderge, magistraldarǵa, sýburqaqtarǵa ártúrli mekeme jaýap beredi. Sonyń saldarynan úilesimdilik joq. Áli kúnge deiin sýarý, kógaldandyrý, jaryqtandyrý, qoqys shyǵarý siiaqty máseleler sheshimin tappaǵan. Bul tek shetki aimaqtarǵa ǵana emes, qalanyń ortalyǵyna da qatysty. Mundai bolmaýy kerek. Senbilikter resmi sipatta ótpeýge tiis. Barlyq qyzmet qaǵaz júzinde emes, is júzinde qatysýy qajet, – dedi qala ákimi.
Keńes qorytyndysy boiynsha Darhan Satybaldy Ekologiia jáne qorshaǵan orta basqarmasyna III toqsandaǵy «Taza Qazaqstan» aktsiiasynyń Jospar-tapsyrmasynyń oryndalýyn erekshe baqylaýǵa alýdy, Qoǵamdyq damý basqarmasyna qala turǵyndary arasynda ekologiialyq aǵartýdy kúsheitýdi jáne tazalyq mádenietin qalyptastyrý jumystaryn jandandyrýdy, al aýdan ákimderine barlyq is-sharanyń, sonyń ishinde uiymdar men zańdy tulǵalardyń qatysýymen ótetin senbilikterdiń sapaly ári ýaqytyly júzege asyrylýyn qamtamasyz etýdi tapsyrdy.
