– Ministrlik ókilderi kóterme saýda taratý ortalyqtaryn naryqtaǵy azyq-túlik taýarlary baǵasyn turaqtandyrýǵa múmkindik beredi dep sendirýde. Ókiletti memlekettik organ Frantsiia men Ispaniia tájiribesin negizge alyp, kóterme saýda taratý ortalyqtarynyń jobasyn ázirlegen. Atalǵan Eýropa elderinde qalalardyń araqashyqtyǵy jaqyn, shamamen, 80 shaqyrymnan aspaidy. Al bizde qalalardyń ortasha araqashyqtyǵy 500 shaqyrymnan asady, – dedi Qaniev senattyń jalpy otyrysynda.
Senator bir-birinen alys ornalasatyn kóterme saýda ortalyqtarynyń tiimdiligine kúmándanyp otyrǵanyn ashyq aitty. Oǵan qosa, azyq-túlikti saqtaý, bólý jáne ótkizý oryndary bólek ornalasady.
– Bunyń barlyǵy edáýir kólik shyǵynyn ulǵaitady jáne tiisinshe, jemis pen kókónis baǵasynyń aitarlyqtai ósýine ákeledi. Osyǵan orai, birneshe suraq týyndaidy? Kólik shyǵynyn kim kóteredi? Aýyl sharýashylyǵy óndirýshileri me? Kóterme saýda ortalyqtary ma? Álde, sońǵy tutynýshy ma? Atap ótetin jáit, kóterme saýda ortalyqtary – kóp ýaqyt pen qarajat talap etetin jobalar. Sondyqtan elimizde josparlanǵan kóterme saýda taratý ortalyqtaryn iske asyrmas buryn áleýmettik mańyzy bar taýarlar baǵasyn turaqtandyrý mańyzdy, – dep atap kórsetti Qaniev.
Ulttyq statistika biýrosynyń esebi boiynsha jyl basynan beri sábiz 45 protsentke, kartop – 38 protsentke, kúnbaǵys maiy – 16 protsentke, piiaz – 11 protsentke, al qant 9 protsentke qymbattady.
– Eń ókinishtisi, elimizde óndiriletin kókónis pen jemis baǵasy sharyqtap, pandemiiadan qajyǵan halyqtyń qaltasyn qaǵyp jatyr. Máselen, álemdik tájiribede azyq-túlik qaýipsizdigin qamtamasyz etý úshin otandyq óndirýshilerge tikelei qoldaý kórsetip, óndiris kólemin arttyrady. Sondai-aq, jalpy ishki ónim quramynda otandyq taýarlar úlesin 50 protsentten joǵary ustaidy. Bizde bolsa, bul kórsetkish 30 protsent ainalasynda. Agrarlyq el bola otyryp, azyq-túliktiń 70 paiyzyn shetelden tasyp júrýge májbúrmiz, – deidi senator.
Osyǵan bailanysty bir top senator úkimet basshysyna depýtattyq saýal joldap, azyq-túlik taýarlarynyń qymbatshylyǵyn sheshý boiynsha qabyldanǵan sharalar týraly esep berýdi talap etti.
