Onyń pikirinshe ákimder men ministrlerdiń jalań qurǵaq esepteri men tolyp jatqan qasań tsifrlary, aldyn ala daiyndap qoiǵan sóileýshileri men suraq qoiýshylary, sala boiynsha kemshin máseleler, ony sheshýdiń joldary az aitylady. Kózboiaýshylyq pen formalizm kóp.
"Ótken aptada eki ministrliktiń alqasyna bir top áriptestermen qatystym. Óńirlerden keminde eki myńdai mamandar shaqyrylǵanyn kórdik.
Biraq shalǵai aýyldardaǵy, aýdandardaǵy máseleler týraly kelgen adamdardyń pikirlerin esti almadyq. Al onda qordalanǵan dúnie bastan asady.
Tek ministrler men onyń orynbasarlary kúndelikti aitylyp júrgen jailardy tizbelep aityp bergendei áser qaldyrdy. Mundai jinalystan qandai tiimdilik kútýge bolady? Qatysqan áriptesterim de osy pikirde boldy.
Tek eki ministrlik boiynsha eki myń adamnyń Nursultan qalasyna eki kúnge is - saparmen kelip ketýi keminde táýligine árqaisysy 60 000 myńnan dep eseptesek, eki kúnge eki myń adamǵa 120 mln. teńge qarajat shyǵady eken. Qarjy tapshylyǵy jaǵdaiynda osy qajet pe? Onlain júiede jasaýǵa da bolady ǵoi.
Prezidentimiz kereksiz shyǵyndy azaityńdar dep únemi aitýmen keledi, ókinishke orai tyńdar qulaq joq siiaqty", – deidi Murat Baqtiiaruly.
