Senat Tóraǵasy jańadan sailanatyn depýtatardy úlken jaýapkershilik kútip turǵanyn aitty
«Senat quramynyń ishinara jańarýy úsh jylda bir ret júredi. Bul rette Senattyń jalpy quramyndaǵy 15 depýtatty palatada qoǵamnyń ulttyq-mádeni jáne ózge de mańyzdy múddelerin qorǵaýdy qamtamasyz etý qajettigin eskere otyryp, Memleket basshysy taǵaiyndaidy.
Qazirgi zańnamalyq bilik júiesinde Senat elimizdiń barlyq óńiriniń Parlamentinde ókildik etýdi, Májilis quramyn jańartý kezinde zańnamalyq saiasattyń sabaqtastyǵyn jáne zań jobalaryn sapaly qaraýdy qamtamasyz etedi», - dep oiyn ortaǵa saldy Senat Tóraǵasy.
Áshimbaev Senatta óńirlerdiń múddesin qorǵaý máselesi asa mańyzdy ekenin atady.
– Senatta óńirlerdiń múddelerin qorǵaý úshin depýtattar biryńǵai jalpyulttyq aimaq boiynsha partiialyq tizimder arqyly sailaityn Májilis sailaýynyń proportsionaldy júiesi, sondai-aq Qazaqstan halqy assambleiasy arqyly sailanýy óte mańyzdy, – dedi Senat tóraǵasy.
Ol ataǵandai, zań shyǵarýshy bilikti uiymdastyrýdyń qazirgi júiesi qabyldanǵan zańdardy sapaly ázirleýdi qamtamasyz etedi.
– Zańdardy qabyldaý jónindegi barlyq is-qimyl qaralyp otyrǵan máselelerdi jan-jaqty jáne tereń zerdeleýdi qamtamasyz ete otyryp, kezeń-kezeńimen jáne qisyndy bolýy tiis. Sonymen qatar, zań shyǵarý protsesi memlekettik organdardyń barlyq zańnamalyq úrdisiniń sapasyna áser etedi. Árbir qabyldanǵan zańnyń artynda ondaǵan myń otbasy men naqty adamdardyń ómiri tur. Osylaisha, Parlamenttiń eki palatasynyń jumysy zań shyǵarý protsesin neǵurlym tiimdi, teńgerimdi etýge jáne zańdardyń tek eldiń jáne onyń barlyq azamatynyń múddesi úshin qabyldanýyn qamtamasyz etýge múmkindik beredi, – dedi ol.
Áshimbaev sailanatyn senatorlardyń mindeti týraly aitty.
– Qazaqstan damýynyń qazirgi kezeńinde Senat depýtattarynyń basty róli Memleket basshysynyń halyqtyń ómir súrý sapasyn arttyrýǵa jáne inkliýzivti ekonomikalyq ósýdi qamtamasyz etýge baǵyttalǵan jańǵyrtýdy zańnamalyq qamtamasyz etý bolyp tabylady. Koronavirýs pandemiiasymen jáne onyń saldarymen sátti kúresý úshin oń bazany jetildirý negizgi mindetterdiń biri bolyp qala beredi. Búgin sailanǵan senatorlar tiisti ókilettikterdi alǵan sátten bastap osy strategiialyq mindetterdi oryndaý úshin belsendi jumys isteitinine senimdimin, – dedi ol.
