Senattyń jalpy otyrysynda Joǵarǵy Sot Keńesiniń tóraǵasy Dmitrii Malahov Memleket basshysynyń Joǵarǵy sot sýdialary German Nurbaev pen Dosjan Ámirovti qyzmetterinen bosatý jónindegi usynysyn tanystyrdy, dep habarlaidy Dalanews.kz.
Malahovtyń aitýynsha, sýdia Dosjan Ámirov zeinetke shyǵýyna bailanysty otstavkaǵa ketý týraly ótinish bergen. Ol buǵan deiin birneshe oblystyq sottyń tóraǵasy qyzmetin atqarǵan, sýdialar korpýsynda bedeli joǵary tulǵa. Sondai-aq Qazaqstan Sýdialar odaǵy keńesiniń tóraǵasy.
“Dosjan Sarmanqululy – uzaq jyldar boiy sot júiesinde abyroily eńbek etken, kásibi biligimen tanylǵan sýdia. Ol zeinetkerlik jasqa tolǵanyna bailanysty qyzmetinen bosatyldy”, – dedi Joǵarǵy Sot Keńesiniń tóraǵasy.
Al Joǵarǵy sottyń taǵy bir sýdiasy German Nurbaev TMD elderiniń ekonomikalyq sotynyń Pleným sheshimimen 2025 jyly 10 maýsymda atalǵan sottyń tóraǵasy bolyp sailandy. Osyǵan bailanysty ol da Joǵarǵy sottaǵy qyzmetinen bosatylmaq.
Senat depýtattary Memleket basshysynyń usynysyn biraýyzdan qoldap, eki sýdiany da qyzmetinen bosatý týraly sheshim qabyldady.
