سەناتتىڭ جالپى وتىرىسىندا جوعارعى سوت كەڭەسىنىڭ ءتوراعاسى دميتريي مالاحوۆ مەملەكەت باسشىسىنىڭ جوعارعى سوت سۋديالارى گەرمان نۇربايەۆ پەن دوسجان ءامىروۆتى قىزمەتتەرىنەن بوساتۋ جونىندەگى ۇسىنىسىن تانىستىردى، دەپ حابارلايدى Dalanews.kz.
مالاحوۆتىڭ ايتۋىنشا، سۋديا دوسجان ءامىروۆ زەينەتكە شىعۋىنا بايلانىستى وتستاۆكاعا كەتۋ تۋرالى ءوتىنىش بەرگەن. ول بۇعان دەيىن بىرنەشە وبلىستىق سوتتىڭ ءتوراعاسى قىزمەتىن اتقارعان، سۋديالار كورپۋسىندا بەدەلى جوعارى تۇلعا. سونداي-اق قازاقستان سۋديالار وداعى كەڭەسىنىڭ ءتوراعاسى.
“دوسجان سارمانقۇل ۇلى – ۇزاق جىلدار بويى سوت جۇيەسىندە ابىرويلى ەڭبەك ەتكەن، كاسىبي بىلىگىمەن تانىلعان سۋديا. ول زەينەتكەرلىك جاسقا تولعانىنا بايلانىستى قىزمەتىنەن بوساتىلدى”، – دەدى جوعارعى سوت كەڭەسىنىڭ ءتوراعاسى.
ال جوعارعى سوتتىڭ تاعى ءبىر سۋدياسى گەرمان نۇربايەۆ تمد ەلدەرىنىڭ ەكونوميكالىق سوتىنىڭ پلەنۋم شەشىمىمەن 2025 جىلى 10 ماۋسىمدا اتالعان سوتتىڭ ءتوراعاسى بولىپ سايلاندى. وسىعان بايلانىستى ول دا جوعارعى سوتتاعى قىزمەتىنەن بوساتىلماق.
سەنات دەپۋتاتتارى مەملەكەت باسشىسىنىڭ ۇسىنىسىن ءبىراۋىزدان قولداپ، ەكى سۋديانى دا قىزمەتىنەن بوساتۋ تۋرالى شەشىم قابىلدادى.
