Qazaqstanda endi avtokólik ieleri aiyppul úshin ǵana emes, sonymen qatar kóligi aiyppul turaǵynda bolǵany úshin de aqy tóleýge májbúr bolady. Senat zańǵa engizilmek osyndai ózgeristi maquldady, dep habarlaidy Dalanews.kz.
31 arna avtokólikti evakýatsiialaý jáne onyń turaqta turǵany úshin naqty qansha aqy tóleýge týra keletinin Almaty jáne Astana qalalyq biligi sheshetinin habarlaidy. Ázirge, onyń naqty somasy aiqyndalmaǵan, biraq júrgizýshilerdiń ózi mundai jańashyldyqqa qazirden narazy.
"Sonda bylai bolyp tur ǵoi. Jol politsiiasynyń qyzmetkeri: "Kóligińdi aiyppul turaǵyna qoiamyn, aqshasyn óziń tóleisiń, ary qarai ne isteisiń óziń bil" deiin dep tur. Ary qarai óziń júgiresiń, qaltańda árine aqshań bolsa. Munyń ózi sybailas jemqorlyqqa jol ashady. Sotqa túsetin júktemeni de arttyrýy múmkin. Ásirese, búlingen kólik aiyp turaǵynda 60 kúnnen asa turyp qalsa", - deidi avto zańger Mihail Býdianskii.
"Kóligim – nanymdy taýyp berip júrgen dúniem. Onymen men otbasymdy asyraýym kerek, nege taǵy bir tólemdi bizdiń moinymyzǵa iledi" dese bir júrgizýshiler, taǵy biri: "Mundai shyǵyndy memleket jabýy kerek. Kem degende úsh kúni tegin bolýy qajet" – deidi keiip.
Júrgizýshilerdiń pikirinshe, kóliktiń turaqqa qoiýylýyna óz kinási joq bolsa da aqy tólettirip qoiýy múmkin. Jol apaty boldy delik, meniń emes, ekinshi taraptyń kesirinen, biraq jaǵdai daýly. Ekeýmizdiń de kóligimiz ondaida aiyp turaǵyna qoiylady. Tergeý júrip, sot máseleni sheshkenshe men qaltamnan aqsha shyǵarýym kerek bolady ma sonda? Iaǵni, kinám bolmasada ma?..
Zańda kim mundai jaǵdaida tólemnen bosatylatyny anyq jazylyp, kórsetilmeiinshe bul arada áleýmettik shielenisti jaǵdai ýshyǵa beretin bolady. Máselen:
- Az qamtylǵan jáne kóp balaly otbasylarǵa jeńildikter bolady ma?
- Eger kólik kelesi taraptyń kinásinen apatqa ushyrap, aiyp turaǵyna qoiylsa, onyń aqysyn kim tóleidi?
- Al eger kólik dálel zat retinde politsiianyń sheshimi boiynsha aiyp turaǵyna qoiylsa, aqyny kim tóleidi?
Sarapshylar mundai jaǵdailardy naqty ajyratyp kórsetpegen kúide zań qabyldansa, kóptegen daýly jaǵdailar bolatynyn eskertedi.
