Qazirgi ýaqytta Semeı qalasynyń turǵyndary men kásipkerleri arnaıy shotqa 16 mln teńgeden astam qarajat aýdaryp, gýmanıtarlyq kómek jınady. Qala ákimdiginiń habarlaýynsha, somanyń kóp bóligin, atap aıtqanda 10 mln teńgeni  «Fırma Azıa» JSHS bólgen, – dep habarlaıdy Dalanews.kz ShQO ákimdiginiń baspasóz qyzmetine silteme jasap.

– Tek birigip qana biz barlyq qıyndyqtardy jeńe alamyz. Bul jaǵdaıda da jerlesterimizge kómek kórsetýi kerek. Barlyq nemquraıly emes turǵyndar men kásipkerlerdi órt saldarynan zardap shekkender jerlesterimizge kómek kórsetýge shaqyramyn, – dedi «Fırma Azıa» JSHS dırektory Sáýle Dosqojanova.

Aıta ketý kerek, qala kásipkerleri 15 tonnaǵa jýyq azyq-túlik jınady. «Agrofırma – Prırechnyı» JSHS 5 tonna pıaz jáne 5 tonna qyryqqabat bóldi. «Aı-Ar» JSHS 350 keli 1 surypty un, «AQ-nan KZ» JSHS 250 keli un. «Semnan» JSHS-i óz óndirisiniń unnan jasalǵan kondıterlik ónimderin, atap aıtqanda 10 qorap pechene, 10 qorap qytyrlaq nan jáne sonsha tátti toqashtar jiberdi. «Semei Qus» JSHS 2 sanattaǵy 10 qorap jumyrtqa. Al «Aprel» kópfýnksıonaldy kesheni gýmanıtarlyq kómek úshin 50 keli kúrish, 100 keli makaron ónimderi, 50 keli qaraqumyq jarmasy, 50 lıtr kúnbaǵys maıy, sondaı-aq 50 keli un men qant bóldi.

Búgin Semeı atalǵan kómek qory jınalǵan eki júk kóligi Rıdder qalasyna jóneltildi.