Semeı qalasynyń namysty jigitteri qıyn kezde bir jaǵadan bas, bir jeńnen qol shyǵaryp,  bir judyryqqa jumylýda.

İndet kezinde eldiń jaǵdaıyna beı-jaı qaraı almaı,  «Jastar Semeı» atty uıym quryp, az ýaqyt ishinde 3 mıllıon qarjy jınap, jaǵdaıy tómen 300 otbasyǵa  dári-dármek jáne azyq-túlikpen kómektesip úlgerdi.

 Sonymen qatar qazirgi ýaqtytta qalamyzdaǵy  dárihanalarda joq halyqqa kerek  dári-dármekterdi Reseıden ákelip, aýyryp jatqan jandarǵa jáne Jarqyn aýylyndaǵy dárigerlik ambýlatorıaǵa 200 myń teńge, Muqyr aýylyndaǵy ambýlatorıaǵa 300 myń teńge kólemindegi  dárilerdi jetkizip berdi.

«Osyndaı indet órship turǵan kezde, Semeıdiń  naǵyz azamattaryna alǵys bildiremiz. Búginde aýyl turǵyndary izdep tappaı júrgen dárilerdi bizge tabystap ketti. Endi óz kezegimizde em izdep kelgen jandarǵa beretin boldyq" deıdi ýchastkelik dáriger Aınagúl Mustafına.

Sonymen qatar olar jınalǵan qarjyǵa Jarma aýdanynyń ortalyǵy Qalbataýdaǵy aýrýhanaǵa eki ottegi apparatyn tabys etti.

"Bul ottegi apparty bizge óte qajet edi. Ásirese aýrýhanada jatqan adamdarǵa aýadaı qajet ekeni aıtpasaq ta túsinikti. Namysty qoldan bermeıtin Semeıdiń Jigitterine rızamyz" dep óz alǵysyn bildirdi Jarma aýdanynyń ákiminiń orynbasary Talǵat Batyruly.

Pandemıa kezinde aýyr jaǵdaıda qalǵan jáne naýqastanyp qalǵan jandarǵa kómek kórsetý negizinde qurylǵan  "Jastar Semeı" uıymy tek dári dármekpen emes, azyq-túlik retinde de qolushyn berýde.

Al dárige qarjy tappaı otyrǵan áleýmettik jaǵdaıy tómen otbasylarǵa tek preparattardy dárigerdiń reseptisin kórsetken jaǵdaıda ǵana kerekti dármekterdi jetkizip bere alady.

Bir aıta keterligi kúnnen kúnge uıymnyń qatary janashyr jandarmen tolyǵýda. Tek BİRGE BOLǴAN jaǵdaıda ǵana indetti jeńe alamyz.

Kaspi Gold:5169497149098653 Janybek Sıazbekovıch
Senim telefon nomeri: +7776 147 77 75

Qýanysh RAHMETOLLAULY