Qurylǵylar Semei qalasymen, oblystaǵy aýdandarǵa jiberildi. Tiynnan teńge quraǵan jandar reseiden 150 apparatqa kelisim shartqa otyrǵan. Biraq qurylǵynyń jetispeýshiliginen taǵy da tapsyrys berý kózdelingen.
Virýsqa shaldyqqan jandarǵa kómek kórsetý negizinde qurylǵan «Halyqtan halyqqa» atty eriktiler uiymynyń jetekshisi Dáýren Qulshyǵyshev «Bul apparattarǵa Reseilik dárigerler 10 jylǵa kepildik berdi. Jáne sol jerdegi bilikti mamandardyń jiti baqylaýynan ótken qurylǵylar. Sapasy da jaqsy» dep barsha janashyr adamdardy qiyn kezeńde qol ushyn berýge shaqyrdy.
Sonymen qatar Semei qalasyndaǵy «Zeket» qoryda elimizdegi jaǵdaiǵa bei-jai qaramai, halyqyty iigilikti iske jumyldyrýǵa shaqyryp, "Ómirge úmit sila" sharasy aiasynda qazirgi ýaqytqa deiin jinalǵan qarjyǵa 22 ottegi apparatyn reseiden jetkizip, Semeidegi jáne óńirdegi aýdandardaǵy aýrýhanalarǵa tabys etildi.
«Áli de atalǵan qorǵa meiirimdi jandar tarapynan qarjy túsýde. Aldaǵy ýaqytta taǵy da asa qajet apparatty alý kózdelingen» deidi «Zeket» qorynyń Semeidegi ókili Birjan Amanjolov.
Al ókpeni jasandy jeldetý apparattaryn árqaisynyń quny 420 myń teńgeni quraidy. Úkimetten mardymdy kómek bolmaǵan soń, indet órship, is nasyrǵa shaýyp turǵan kezde, judyryq bolyp jumylyp, igilikti iske atsalysýy elimizdegi azamattardyń birligin artyra túskendei.
QÝANYSh RAHMETOLLAULY
