Abai oblysynyń ákimi Berik Ýáli Semei qalasyndaǵy oblystyq perinataldyq ortalyqtyń kúrdeli jóndeýden ótken korpýsyna baryp, jumysymen tanysty, dep habarlaidy Dalanews.kz
Densaýlyq saqtaý basqarmasyna qaraityn meditsinalyq mekemedegi jóndeý jumystary 2023 jyly bastalǵan. Respýblikalyq biýdjetten bólingen qarajatqa negizgi ǵimarat jańartylyp, bólimder zamanaýi qural-jabdyqtarmen qamtamasyz etilgen. Budan bólek jerasty ótkeli bar qorǵaný orny men kir jýatyn oryn tolyq jóndelgen.
Oblystyq perinataldyq ortalyq – óńirdegi eń iri meditsinalyq mekemelerdiń biri. Munda júkti áielderge, jańa týǵan nárestelerge jáne analarǵa meditsinalyq kómek kórsetiledi. Ortalyqta 557 adam jumys isteidi. Úsh korpýstan turatyn mekeme jylyna 9 myńǵa jýyq anany qabyldaidy. Munda bir mezgilde 240 adam turaqty emdelip, 10 adam kúndizgi statsionarda em-dom qabyldaityndai jaǵdai jasalǵan. Al kúrdeli jóndeýden ótken korpýsta 125 tósek-oryn bar.
Oblys ákimi perinataldyq ortalyqtyń jańartylǵan korpýsyn aralap, atqarylǵan jumystarǵa jaqsy baǵa berdi. Aimaq basshysy meditsinalyq mekemeniń óńir turǵyndary úshin mańyzy joǵary ekenin atap ótti. Perinataldyq ortalyq direktory oblys ákimine dáriger mamandardy baspanamen qamtý jaǵynan másele bar ekenin aityp, kómek kórsetýdi surady. Mekemege qarasty eskirgen káriz júiesi qalanyń qaramaǵyna berilse degen usynysyn jetkizdi.
«Bizdiń basty mindetimiz – oblys turǵyndaryna sapaly meditsinalyq qyzmet kórsetý. Kúrdeli jóndeýden ótken perinataldyq ortalyqtyń korpýsy ana men balaǵa jaily jaǵdai jasaýǵa múmkindik beredi. Usynys-ótinishterińizdi qarastyramyz. Bir aidan astam ýaqyt kóleminde oblystyń barlyq qala-aýdandaryn araladym. Áleýmettik nysandardyń, onyń ishinde aýrýhanalardyń jaǵdaiymen tanystym. Óńirde kúrdeli jóndeýdi qajet etetin meditsinalyq mekemeler az emes. Olardy kezeń-kezeńmen, keshendi túrde jańǵyrtyp, zaman talabyna sai jabdyqtaimyz. Bul baǵyttaǵy jumysty jalǵastyramyz», – dedi aimaq basshysy.
