Abai oblysynyń ákimi Berik Ýáli qalany aralaý barysynda Semeidegi áskeri gospitalde bolyp, jóndeý jumystaryn aiaqtaý úshin oblystyq biýdjetten tiisti qarjy bólingenin aitty,- dep habarlaidy Dalanews.kz
Eki qabatty áskeri gospital ǵimaraty 75 tósek orynǵa arnalǵan. Munda rentgen, kompiýterlik tomografiia, fliýrografiia kabinetteri bar.
«Shyǵys» óńirlik qolbasshylyǵyna qarasty Semei, Pavlodar qalalary jáne Jarma aýdanynyń Jańǵyztóbe kentiniń áskeri garnizondaryna meditsinalyq qyzmet kórsetetin mekemede 2024 jyldyń jeltoqsan aiynda kúrdeli jóndeý bastalǵan. Qazirgi tańda demontaj jumystary tolyq júrgizilgen, alaida qarjylyq qiyndyqtarǵa bailanysty syrtqy jóndeý, elektr jelilerin tartý, jylytý jáne jeldetý júielerin ornatý, ishki árleý jumystary toqtap tur. Nysandy tolyq aiaqtaý úshin qosymsha qarjy qajet.
Aimaq basshysy bul máseleniń sheshim tabatynyn jetkizip, oblystyq biýdjetten tiisti qarjy bólingenin aitty.
«Áskeri gospital 1995 jyly paidalanýǵa berilgen. Sodan beri kúrdeli jóndeý júrgizilmegen eken. Qurylys jumystary bastalyp, toqtap qalǵan eken. Oblystyq biýdjetti sońǵy naqtylaýda qosymsha 540 million teńge qarjy bóldik. Qurylysty tolyq aiaqtaý úshin respýblikalyq biýdjetten qarjy suraǵan bolatynbyz. Muny Parlament Májilisiniń komitet tóraǵalary Nurtai Sabilianov pen Aigúl Quspan da qoldap otyr», - dedi oblys ákimi.
