Abai oblysynyń ákimi Berik Ýáli Semeidegi mádeni nysandardy aralaý barysynda Abai atyndaǵy qazaq mýzykalyq-drama teatry men Abai atyndaǵy oblystyq ámbebap kitaphananyń ózekti máselelerimen tanysty,– dep habarlaidy Dalanews.kz
Teatr ǵimaraty 1981 jyly salynǵan. Qazirgi tańda munda 238 adam eńbek etedi. Nysanda úsh shyǵarmashylyq ujymnyń birge jumys isteýine bailanysty qosymsha bólmeler tapshy. Ǵimaratta 44 jyl boiy kúrdeli jóndeý júrgizilmegen. Jylý jáne sý júielerin aýystyrý qajet. Akterlerdiń jetispeýshiligi, olardy turǵyn úimen qamtý, tehnikalyq qyzmetkerlerdiń jalaqysynyń azdyǵy aityldy.
Aimaq basshysy teatrda buryn osy ujymdy basqarǵan Adai Azamatovpen kezdesip, mádeniet oshaǵyn damytýǵa qatysty usynys-pikirlerin tyńdady.
Abai atyndaǵy oblystyq ámbebap kitaphana 1974 jyly salynǵan. Kitaphanada 400 myńnan astam kitap qory bar. Sirek kezdesetin kitaptar jáne qoljazbalar qory 5 jarym myńǵa jýyqtaidy. 19 myńnan astam turaqty oqyrman bar.
Mundaǵy ózekti máseleniń biri – bólmelerdiń tapshylyǵy. Qazirgi ýaqytta kitaphanada 4 mekeme jumys isteidi. Mekeme direktory Merei Qart oryn jetispegendikten sirek qordaǵy qundy kitaptar men merzimdi basylymdar jertólege ornalastyrýǵa májbúr ekendikterin jetkizip, kómek kórsetýdi surady. Kitaptardy tsifrlyq formatqa kóshirý úshin arnaiy skaner alý qajettigi týyndap otyr.
Kitaphanada oblys ákimi aqyn, óner janashyry Qusmiliia Nurqasymmen kezdesip, aimaqtyń rýhaniiatyna qatysty oi-pikirlerin tyńdady. Aimaq basshysyna mádeni nysanǵa ulttyq mártebe berý jóninde usynys aityldy.
«Eki mádeni nysannyń da máselelerin jaqsy bilemin. Eki mekeme qyzmetkerleri de qolaisyz jaǵdaida jumys isteýge májbúr. Kúrdeli jóndeý júrgizilmegendikten jylý, sý jelileri ábden tozǵan. Teatrǵa aǵymdaǵy jóndeýdi bastaimyz. Abai teatrynyń máselesine Býrabaida ótken Ulttyq quryltaida Prezidenttiń ózi nazar aýdaryp, Úkimetke Semeide jańa teatr salýǵa tapsyrma berdi. Al Abai mýzeii men oblystyq ámbebap kitaphanaǵa ulttyq mártebe berý týraly usynysty tiisti oryndarǵa jetkizemin», – dedi aimaq basshysy.
