Jańa akademiia quramyna osyǵan deiin jumys istep turǵan balalar men jasóspirimder sport mektebi, jekpe-jek zaly men 200 oryndyq internat kirgen. Akademiiaǵa oblystyń aýyl-aimaqtarynan balalar iriktelinip alynyp, dziýdo, sambo, grek-rim jáne erkin kúres syndy sport túrlerimen jattyǵatyn bolady. Al oqý-jattyǵý jumystaryn Resei, Mońǵoliia, Ázerbaijan elderinen kelgen bilikti bapkerler júrgizbek.
Akademiianyń irikteý jumystary oqý jylynyń basynan sońǵyna deiin júrgizile beredi. Tek 10-18 jas aralyǵyndaǵy úmitkerge qoiylatyn basty talap: oblystyq, respýblikalyq saiystardyń chempiony nemese júldegeri bolý shart.
Aita ketsek, táýelsizdik jyldarynda Shyǵys Qazaqstanda sportpen shuǵyldanatyn halyq sany artyp, 30,3%-ǵa jetken. Qazirdiń ózinde aimaqta 3149 sport mekemesi, onyń ishinde 30 dene shynyqtyrý jáne saýyqtyrý kesheni jumys jasap tur.
