Abaı oblysynda kondýktor kámeletke tolmaǵan jolaýshyny avtobýstan túsirgeni úshin jaýapqa tartyldy, dep habarlaıdy Dalanews.kz.
26 qarashada Instagram jelisindegi mysemey paraqshasynda jarıalanǵan derek boıynsha tekseris júrgizilgen.
"№22 avtobýstyń kámeletke tolmaǵan jolaýshysy ınternet joqtyǵyna baılanysty jolaqysyn ýaqytynda tóleı almaǵan. Baılanystyń qalpyna kelýin kúte turýdy suraǵanyna qaramastan, kondýktor ony avtobýstan shyǵýyn talap etip, májbúrli túrde qarańǵy ýaqytta túsirip jibergen. Tekseris barysynda 24 qarashada ata-anasynyń nemese zańdy ókilderiniń erip júrýinsiz qatynaǵan, on alty jasqa tolmaǵan jolaýshynyń májbúrli túrde túsirilgeni anyqtaldy", - dep jazylǵan habarlamada.
Kondýktor kámeletke tolmaǵan jolaýshyny qoǵamdyq kólikten kúshpen túsirgeni úshin ákimshilik jaýapkershilikke tartyldy. Bul quqyqbuzýshylyq úshin bes aılyq eseptik kórsetkish mólsherinde aıyppul qarastyrylǵan.
