اباي وبلىسىندا كوندۋكتور كامەلەتكە تولماعان جولاۋشىنى اۆتوبۋستان تۇسىرگەنى ءۇشىن جاۋاپقا تارتىلدى، دەپ حابارلايدى Dalanews.kz.
26 قاراشادا Instagram جەلىسىندەگى mysemey پاراقشاسىندا جاريالانعان دەرەك بويىنشا تەكسەرىس جۇرگىزىلگەن.
"№22 اۆتوبۋستىڭ كامەلەتكە تولماعان جولاۋشىسى ينتەرنەت جوقتىعىنا بايلانىستى جولاقىسىن ۋاقىتىندا تولەي الماعان. بايلانىستىڭ قالپىنا كەلۋىن كۇتە تۇرۋدى سۇراعانىنا قاراماستان، كوندۋكتور ونى اۆتوبۋستان شىعۋىن تالاپ ەتىپ، ءماجبۇرلى تۇردە قاراڭعى ۋاقىتتا ءتۇسىرىپ جىبەرگەن. تەكسەرىس بارىسىندا 24 قاراشادا اتا-اناسىنىڭ نەمەسە زاڭدى وكىلدەرىنىڭ ەرىپ ءجۇرۋىنسىز قاتىناعان، ون التى جاسقا تولماعان جولاۋشىنىڭ ءماجبۇرلى تۇردە تۇسىرىلگەنى انىقتالدى"، - دەپ جازىلعان حابارلامادا.
كوندۋكتور كامەلەتكە تولماعان جولاۋشىنى قوعامدىق كولىكتەن كۇشپەن تۇسىرگەنى ءۇشىن اكىمشىلىك جاۋاپكەرشىلىككە تارتىلدى. بۇل قۇقىقبۇزۋشىلىق ءۇشىن بەس ايلىق ەسەپتىك كورسەتكىش مولشەرىندە ايىپپۇل قاراستىرىلعان.
