Mekteptiń ashylý saltanatymen quttyqtaǵan oblys ákimi Danıal Ahmetov jańa bilim oshaǵynyń oqýshylaryna izgi tilegin bildirdi.
Qurylysy 2,5 jylǵy sozylǵan jańa oqý kesheniniń bir ereksheligi, alys aýyl-aımaqtan kelgen oqýshylarǵa arnalǵan jatyn korpýsy salynǵan. Búgingi kúni aımaqtan jalpy sany 645 bala zaıatkerlik mektepke iriktelinip alyndy. Jańa quraldarmen jabdyqtalǵan hımıa, fızıka, bıologıa zerthanalarynan bólek, nanotehnologıa, bıotehnologıa, robototehnıka synyptary oqýshynyń ǵylymı jumyspen aınalysýyna qolaıly jaǵdaı týǵyzbaq.
Kembrıdj halyqaralyq emtıhan ortalyǵymen birlese quralǵan oqý baǵdarlamasymen oqytatyn Nazarbaev zıatkerlik mektebi halyqaralyq standartqa saı baǵalaý úrdisin júrgizetin bolady. Al oqýshylarǵa «Bolashaq» baǵdarlamasy boıynsha tájirıbeden ótken 122 pedagog bilim berip, «IELTS», «SET» syndy halyqaralyq kýrska ázirleıdi.
