Semeı qalasy qazir áleýmettik mańyzy bar azyq-túlik ónimderimen 107,3% qamtamasyz etilgen. Degenmen qalada áleýmettik mańyzy bar azyq-túlik ónimderiniń keıbiri qymbattaǵany baıqalady.
Mysaly, birinshi surypty unnyń baǵasy 4%, qaraqumyq jarmasy 5,7%, taýyq eti 3%, pasterlengen sút 2,3% qymbattaǵan. Sondaı-aq, sary maı men súzbeniń de baǵasy ósken. Esesine sábizdiń baǵasy 5,3%, pıaz 5,7%, qant 1% arzandady. Bul memlekettik organdar usynǵan resmı aqparat ekenin atap ótken jón.
Danıar Shákárimovtyń aıtýynsha, nan baǵasy turaqty saqtalady.
- Biz kúndelikti baǵaǵa monıtorıń júrgizemiz. Saýda oryndarynda nannyń baǵasy 65-ten 85 teńgege deıin satylady. Qalada jumys isteıtin shaǵyn naýbaıhanada nannyń ortasha kóterme baǵasy – 70 teńge. Dúkenderde bul nan bes teńgege bólshek ústememen satylady.
«Semnan» kompanıasy óz nanyn 85 teńgeden satady. Áleýmettik nannyń eń qymbaty 85 teńgeden aspaıdy, - dedi bólim basshysynyń mindetin atqarýshy.
