Abai oblysynda qaitarylǵan aktivter esebinen Arnaiy áleýmettik qyzmetter kórsetý ortalyǵy salynady, dep habarlaidy Dalanews.kz.
Memleket basshysynyń tapsyrmasy boiynsha QR Úkimeti elge qaitarylǵan zańsyz iemdenilgen aktivter esebinen áleýmettik mańyz bar jobalardy júzege asyrý jónindegi jumysty jalǵastyrýda.
Úkimet Semei qalasyndaǵy 100 oryndyq meditsinalyq-áleýmettik mekemeniń qurylysyna 2,6 mlrd teńge bóldi, bul azamattardy sapaly meditsinalyq kómekpen qamtýdy arttyrýǵa múmkindik beredi.
Búgingi tańda Úkimet Arnaýly memlekettik qordan áleýmettik mańyzy bar 13 nysannyń qurylysyna shamamen 59,4 mlrd teńge bóldi. Olardyń qatarynda Atyraý oblysyndaǵy Jamansor, Jetisý oblysynyń Rýdnichnyi jáne Kóksai, Ulytaý oblysyndaǵy Myńadyr jáne Qarajal aýyldaryndaǵy mektepter, Túrkistan oblysy Temirlan aýylyndaǵy mýzykalyq mektep, Aqmola jáne Almaty oblystaryndaǵy Zerendi jáne Jalaǵash aýyldaryndaǵy sport keshenderi, Ridderdegi kópsalaly aýrýhana kesheni, Shymkenttegi jataqhana, Aqtóbe men Petropavldaǵy 2 balabaqsha bar.
Sonymen qatar «Zańsyz iemdenilgen aktivterdi memleketke qaitarý týraly» Zańda kózdelgen sýbektilerdiń qarajaty esebinen Arqalyq qalasynda daryndy sportshy balalarǵa arnalǵan sport kesheni, Astana qalasynda tirek-qimyl apparaty buzylǵan balalarǵa arnalǵan ońaltý ortalyǵy, Almatyda erekshe qajettilikteri bar jandarǵa arnalǵan jattyǵý ortalyǵynyń qurylysy júrgizilýde.
