Semeide «Týǵan jerge týyńdy tik» investitsiialyq forýmy ótti. Aýqymdy sharaǵa Qazaqstan Respýblikasy Parlamenti jáne Senat depýtattary, sheteldik jáne otandyq investorlar, Abai oblysynan shyqqan iri kásipkerler, qoǵam qairatkerleri qatysty. Mańyzdy jiynǵa 500-ge jýyq kásipker keldi, dep habarlaidy Dalanews.kz
Forýmnyń plenarlyq sessiiasynda Parlament Májilisiniń depýtattary Nurtai Sabilianov, Maqsat Tolyqbai, Rinat Zaiytov, Senat depýtattary Ainur Arǵynbekova, Qairat Tastekeev, «Agro Land Co» JShS bas direktory, «EurasiaRed» holdingtik kompaniiasynyń prezidenti Erlan Muqashev, «KAZ Minerals» toby basqarmasynyń tóraǵasy Eldar Mamedov, «San Bao» saýda-ónerkásip korporatsiiasy basqarma tóraǵasy Kan Hepin, «Eikos» JShS bas direktory Aleksandr Soloviov, Qazaqstandaǵy YOKOHAMA jáne TRIANGLE kompaniialarynyń resmi distribiýtory Syrymbek Taý, ASR ekojúiesiniń negizin qalaýshy Dáýren Bimov, «Q4 Tulpar» kompaniiasynyń basshysy Talǵat Saqan, Aqtóbe, Túrkistan oblystary ákimdikteriniń ókilderi sóz sóiledi.
Investorlar Abai oblysynda júzege asyratyn jobalary týraly aitty. «San Bao» saýda-ónerkásip korporatsiiasy basqarma tóraǵasy Kan Hepin 33 jyldan beri Abai oblysymen qalyptasqan yntymaqtastyq bailanystardy jańa qarqynda jalǵastyra beretinin, Syrymbek Taý Semeide «Pana» qonaqúi jelisin, «Semei mol» saýda keshenin salatynyn, Abaidyń 180 jyldyǵyna Beijińde Abai úiin ashatynyn jetkizdi. Qazaqstan Respýblikasynyń Italiia Respýblikasyndaǵy Tótenshe jáne Ókiletti Elshisi Erbolat Sembaev beineúndeý arqyly Italiianyń astanasy Rimde Abai eskertkishiniń boi kóterýine úles qosatynyn habarlady.
Investitsiialyq forým barysynda Abai oblysy men birqatar óńirler jáne otandyq kompaniialar arasynda 15 ózara yntymaqtastyq týraly memorandýmǵa qol qoiyldy. Forýmdy qorytyndylaǵan aimaq basshysy jiynnyń nátijeli ári jemisti bolǵanyn atap ótti.
«Týǵan jerge týyńdy tik» degen bul jalań uran, bos sóz emes, shyn mánisinde ózin naǵyz patriot sanaityn ár azamattyń týǵan jeri aldyndaǵy boryshy dep bilemiz. Sol úshin biz arnaiy osyndai úlken investitsiialyq forýmdy uiymdastyrdyq. Jan jaqta júrgen jerlesterimizdiń, shet eldik investorlardyń, seriktesterimizdiń bizdiń shaqyrtýymyzdy qabyl alyp, búgin bas qosqany óte qýantarlyq jaǵdai. Sol úshin barsha Abai jurtynyń atynan sizderge alǵysymdy aitamyn», – dedi aimaq basshysy.
Forým barysynda oblys ákimi «Semeidiń sáýlet kelbeti» atty ashyq baiqaý jariialanǵanyn habarlady. Bolashaqta boi kóteretin «Semey Smart City» yqsham aýdanynyń sáýlettik kelbetin arttyrýǵa baǵyttalǵan baiqaý 7 nominatsiia («Bolashaqtyń turǵyn kvartaly» – turǵyn úilerdiń sáýlettik kelbeti), («Ashyq memlekettiń sáýleti» – ákimshilik jáne qoǵamdyq ǵimarattar), («Mádeni kod: qalanyń rámizi men rýhy» – mádeni jáne simvolikalyq nysandar), («Qala kósheden bastalady» – qoǵamdyq keńistikter men abattandyrý), («Qala – tabiǵatta, tabiǵat – qalada» – saiabaqtar, alańdar men rekreatsiialyq aimaqtar), («Qurylym jáne ómir sapasy» – aýmaqtyq ornalasý sheshimderi), («Smart City Semey» – innovatsiialyq ortalyq kontseptsiiasy) boiynsha ótedi.
