«Qazseldenqorǵaý» kompaniiasynyń burynǵy qyzmetkeri Talǵat Álievke «Semei ormany» tabiǵi rezervatynyń orman órti saldarynan keltirilgen 161,5 milliard teńge kólemindegi zalaldy óteý úshin 28 446 jyl qajet, dep habarlaidy Dalanews.kz Nege.aqsha-ǵa siltep.
«Qazseldenqorǵaý» bas direktory Áliev qyzmettik mindetterin durys atqarmaý saldarynan iri órt bolyp, shartty túrde jazaǵa tartyldy. Órt saldarynan 63 myń gektar orman órtenip ketti, al zalal mólsheri 161,5 milliard teńge dep baǵalandy. Bul somany Ekologiia ministrligi múliktik shyǵyn retinde tanyp, sot Álievti ony óteýge mindettedi. Buǵan qosymsha, memlekettik baj retinde 4,8 milliard teńge tóleýi qajet.
Sheneýnikke erikti túrde ótem jasaýǵa bir ai ýaqyt berilgen, eger bul oryndalmasa, májbúrlep óndirý mehanizmi iske qosylady.
«Sot sheshimin oryndaý úshin Almaty qalasynyń Ádilet departamentine jiberildi. Qazirgi ýaqytta múliktik shyǵynnyń ótelýi týraly ózekti aqparat joq. Almaty qalasynyń Ádilet departamentine suraý jiberildi», – dep málimdedi vitse-ministr Nurken Sháripov.
Álievtiń qyzmette bolǵan kezdegi jalaqysy 473 215 teńge bolǵan. Osyndai jalaqymen barlyq somany óteý úshin 28 myń jyl qajet bolady.
“Ministrlik kináli dep tanylǵan tarappen eshqandai kelisim jasasqan joq. Onyń tarapynan usynystar nemese bastamalar da bolǵan joq”, – dep jaýap berdi Sháripov.
