«قازسەلدەنقورعاۋ» كومپانياسىنىڭ بۇرىنعى قىزمەتكەرى تالعات الييەۆكە «سەمەي ورمانى» تابيعي رەزەرۆاتىنىڭ ورمان ءورتى سالدارىنان كەلتىرىلگەن 161،5 ميلليارد تەڭگە كولەمىندەگى زالالدى وتەۋ ءۇشىن 28 446 جىل قاجەت، دەپ حابارلايدى Dalanews.kz Nege.aqsha-عا سىلتەپ.
«قازسەلدەنقورعاۋ» باس ديرەكتورى الييەۆ قىزمەتتىك مىندەتتەرىن دۇرىس اتقارماۋ سالدارىنان ءىرى ءورت بولىپ، شارتتى تۇردە جازاعا تارتىلدى. ءورت سالدارىنان 63 مىڭ گەكتار ورمان ورتەنىپ كەتتى، ال زالال مولشەرى 161،5 ميلليارد تەڭگە دەپ باعالاندى. بۇل سومانى ەكولوگيا مينيسترلىگى مۇلىكتىك شىعىن رەتىندە تانىپ، سوت الييەۆتى ونى وتەۋگە مىندەتتەدى. بۇعان قوسىمشا، مەملەكەتتىك باج رەتىندە 4،8 ميلليارد تەڭگە تولەۋى قاجەت.
شەنەۋنىككە ەرىكتى تۇردە وتەم جاساۋعا ءبىر اي ۋاقىت بەرىلگەن، ەگەر بۇل ورىندالماسا، ماجبۇرلەپ ءوندىرۋ مەحانيزمى ىسكە قوسىلادى.
«سوت شەشىمىن ورىنداۋ ءۇشىن الماتى قالاسىنىڭ ادىلەت دەپارتامەنتىنە جىبەرىلدى. قازىرگى ۋاقىتتا مۇلىكتىك شىعىننىڭ وتەلۋى تۋرالى وزەكتى اقپارات جوق. الماتى قالاسىنىڭ ادىلەت دەپارتامەنتىنە سۇراۋ جىبەرىلدى»، – دەپ مالىمدەدى ۆيسە-مينيستر نۇركەن ءشارىپوۆ.
الييەۆتىڭ قىزمەتتە بولعان كەزدەگى جالاقىسى 473 215 تەڭگە بولعان. وسىنداي جالاقىمەن بارلىق سومانى وتەۋ ءۇشىن 28 مىڭ جىل قاجەت بولادى.
“مينيسترلىك كىنالى دەپ تانىلعان تاراپپەن ەشقانداي كەلىسىم جاساسقان جوق. ونىڭ تاراپىنان ۇسىنىستار نەمەسە باستامالار دا بولعان جوق”، – دەپ جاۋاپ بەردى ءشارىپوۆ.
