Shirek ǵasyr tarihy arna halyqtyń kózi, qulaǵy Hám tili bolyp keledi.
Jarty ǵasyrdan astam ýaqyt boiy aqparattar aidynynda qaltqysyz qyzmet etip kele jatqan arnanyń qyzmetine Semeidiń áleýmettik- ekonomikalyq, mádeni damýy, semeilikterdiń tynys-tirshiligi, el ómirindegi ózgerister arqaý bolýda.
Búginde táýligine 14 saǵat boiy elge habar taratyp otyrǵan arnanyń aqparattyq ónimderi arna saitymen qatar, elimizdegi tanymal áleýmettik jelilerge jariialanyp turady.
Arna ónimderiniń úles salmaǵy 56.39 paiyz, Memlekettik tildegi habarlardyń kólemi 77,98 paiyzǵa jetti. Atap óterligi «SEMEI»telearnasy 2 jyl buryn ID-TV arqyly habar taratsa, 1 jyl buryn Otaý TV jelisine qosyldy.
Aǵymdaǵy jyldyń shilde aiynan bastap arna tsifrly habar taratýǵa kóshti.
Tanystyrylym barysynda arnadaǵy biylǵy jańa jobalar kópshilik nazaryna usynyldy. Biylǵy maýsymda arna jýrnalisteri «Meniń Abaiym», «Aqyndar antologiiasy», «Ǵalamtor», «Internet», «Shuǵyl qyzmet» baǵdarlamalaryn kórermen nazaryna usynbaq. 1965 jyldyń 1 qyrkúieginde Semei telestýdiiasynyń alǵashqy resmi habary efirge shyqty.
Bul respýblikadaǵy Almaty, Qaraǵandy, Óskemen televiziialyq stýdiialarynan keiingi tórtinshi odaq boiynsha 116 stýdiia edi . 2020 jyly «SEMEI»telearnasy úshin airyqsha jyl bolmaq. Arnanyń qurylǵanyna 55 jyl tolady.
Alash qairatkerleriniń biri- M.Dýlatov: «Semei-bir gýberniia eldiń miy, aqyl-oiynyń tabysy» dep ádil baǵa bergen. Jarty ǵasyrdan astam tarihy bar «SEMEI» arnasy osy baǵaǵa laiyq bolýǵa tyrysyp keledi
Qýanysh Rahmetollauly
