Aqsýat aýdanynda dástúrli «Asyl besik – Aqsýat» sport jáne óner festivaliniń alǵashqy kúni joǵary deńgeide ótti, dep habarlaidy dalanews.kz.
Biylǵy festivaldiń shymyldyǵy respýblikalyq toǵyzqumalaq týrnirimen ashylyp, elimizdiń ár óńirinen kelgen úzdik sportshylar ulttyq ziiatkerlik oiynda baq synady.
Týrnir qorytyndysy boiynsha qatysýshylar jinaǵan upailaryna sáikes júldeli oryndar anyqtaldy.
Toǵyzqumalaq týrniriniń jeńimpazdary men júldegerleri:
I oryn – Dáken Eldar (Almaty qalasy) – 6 upai
II oryn – Jakiev Aidyn (Qostanai oblysy) – 5,5 upai
III oryn – Amanqos Jantóre (Qyzylorda oblysy) – 5,5 upai
IV oryn – Agitaev Salahaddin (Pavlodar oblysy) – 4,5 upai
V oryn – Isahan Aiana (Abai oblysy) – 4,5 upai
VI oryn – Janbaý Dias (Aqtóbe oblysy) – 4 upai
VII oryn – Batyr Ernur (Almaty oblysy) – 4 upai
VIII oryn – Mahmutjan Azimhan (Astana qalasy) – 4 upai
IX oryn – Moldabek Aidana (Jambyl oblysy) – 4 upai
Týrnir barysynda qatysýshylar joǵary sheberlik tanytyp, toǵyzqumalaqtyń tereń taktikalyq múmkindikterin kórsetti. Jarys ulttyq sport túrin nasihattaýǵa jáne óńirler arasyndaǵy dostyq qarym-qatynasty nyǵaitýǵa óz úlesin qosty.
Týrnirge QR Toǵyzqumalaq sporty federatsiiasynyń Qamqorshylar keńesiniń múshesi Dýlat Tastekei demeýshilik bildirdi. AssylTas qory tek toǵyzqumalaq oinyna júlde qory retinde 3 000 000 teńge bólgen. Toǵyzqumalaq týrniriniń bas júldesin (1 000 000 teńge) almatylyq Eldar Dáken utyp aldy.
Biylǵy «Asyl besik – Aqsýat» festivaline Qazaqstannyń túkpir-túkpirinen júzdegen sportshy men ónerpaz jinaldy. Uiymdastyrýshylardyń málimetinshe, festivaldiń jalpy júlde qory 100 million teńgeden asady.
Festivaldiń basty urany – «Týǵan jerge týyńdy tik».
