Búginge arna jerseriktik signal qabyldaýǵa múmkindigi bar barlyq Qazaqstan qalalary, tipti aýyl- aimaqtarda qoljetimdi boldy.
Endi kórermender arnany respýblikamyzdyń kez-kelgen túkpirinen tamshalaýǵa múmkindik almaq. «Qazaqstan» Respýblikalyq telaradiokorporatsiiasy quramyna enetin óńirlik telearnalardyń arasynda «SEMEI» jalǵyz qalalyq arna. Alaida oblystyq arnalarmen teń dárejede habar taratyp, zaman kóshinen qalyspai keledi.
«SEMEI» arnasynda qazir turaqty túrde qazaq jáne orys tilderindegi 14 habar bar. Oǵan qosa biyl jańa maýsymda 3 jańa joba kórermenge jol tartpaq.
«Eki tilde júrgiziletin tok-shoý, aqparattyq jáne tanymdyq baǵyttaǵy tyń jobalarǵa qazir qyzý daiyndyq júrgizilip jatyr. Arna muraǵatynda qazaq televiziiasy qalyptasqannan beri saqtalyp kele jatqan qundy beineqor bar. Endi onyń denin «OTAU TV» jelisi arqyly elimizdiń túkpir-túkpirindegi kórermen tamashalýǵa múmkindik alady», - deidi telearna basshysy Arsen Bektasov.
Aita keterligi «SEMEI» arnasynyń «OTAU TV» jelisine qosylýyna Shyǵys Qazaqstan oblysynyń ákimi Danial Ahmetovtyń tikelei qoldaýy sebep bolǵan.
Bir jyl buryn rebrending júrgizilip aty ózgergen «SEMEI» arnasy 2017 jyldyń jeltoqsan aiynan bastap ID TV tsifrlyq jelisi arqyly da habar taratyp keledi. Endi el kóleminde «OTAU TV» jerserikti habar taratý jelisine qosylýy arnanyń jańa tynysyn ashyp otyr. Kórermender «SEMEI» arnasyn «OTAU TV» jelisindegi tegin arnalar toptamasynan 51-shi arnadan qosyp tamashalai alady.
