Parijde IKAO Eýropalyq jáne Soltústik Atlantikalyq biýrosynyń (EURNAT-DGCA) azamattyq aviatsiia bas direktorlarynyń keńesinde QR Kólik ministrligi Azamattyq aviatsiia komitetiniń tóraǵasy Saltanat Tompievanyń ATR Eýropa men Ortalyq Aziiadaǵy satý jónindegi vitse-prezidenti Jerom Gaborimen kezdesýi ótti, dep habarlaidy Dalanews.kz.
Azamattyq aviatsiia komiteti baspasóz qyzmetiniń habarlaýynsha, kezdesý barysynda taraptar óńirlik áýeparkti jańartý salasyndaǵy yntymaqtasty, ATR zamanaýi týrbovintti áýe kemelerin jetkizý múmkindikterin, sondai-aq tehnikalyq qyzmet kórsetý, personaldy oqytý máseleleri talqylady.
"Scat áýe kompaniiasy bul ushaqtardy qurylysy júrip jatqan úsh jańa - Zaisan, Katonqaraǵai, Kendirli áýejailaryna reisterdi oryndaý úshin satyp alýdy qarastyrýda", dep naqtylaidy vedomstvo.
ATR – 1981 jyly qurylǵan frantsýz-italiandyq aviatsiialyq tehnika óndirýshisi. Shtab-páteri Týlýzada (Frantsiia) ornalasqan. ATR42 jáne ATR72 týrbovintti aimaqtyq jolaýshylar ushaqtaryn shyǵarady. Kompaniia aimaqtyq týrbovintti ushaqtardy (40-tan 74 orynǵa deiin) óndirýde kóshbasshy.
