Almaty ákimi Darhan Satybaldy Almaly aýdanyna jasaǵan jumys sapary aiasynda Sairan sý qoimasy mańyn kórkeitý jumystarynyń jai-kúiimen tanysty,- dep habarlaidy Dalanews.kz
Joba aiasynda uzyndyǵy 2,5 shaqyrym bolatyn serýen jolyn, jaǵajai aimaǵyn, balalar men sport alańdaryn, velosiped jáne skeitparkterdi salý kózdelgen. Sonymen qatar sanitarlyq aimaqtar, politsiia men qutqarý beketteri de qarastyrylǵan.
Qala basshysyna óziniń tapsyrmasymen júrgizilgen qala keńistigin qoljetimdi etýge baǵyttalǵan jumystar týraly baiandaldy. Atap aitqanda, Tóle bi kóshesi boiynda jaǵalaýdan trotýarǵa shyǵatyn ótkel jasalǵan, al Abai kóshesi jaǵynan pandýs ornatylǵan. Jubanov kóshesiniń eń tik bóliginde múmkindigi shekteýli azamattarǵa arnalǵan jedel saty salý josparlanyp otyr. Buǵan qosa, Varlamov kóshesi jaǵynan jasyl jelekke ziian keltirmei, balalar arbasyna arnalǵan asfalt jol tóselip jatyr.
«Eger biz jańa bir jobany iske asyryp jatsaq, ony birden 10-20 jylǵa laiyqtap jasaýymyz kerek. Áitpese, biraz ýaqyttan keiin qaitadan jóndeýge týra keledi. Bul jerde qala turǵyndary men qonaqtary úshin ózine tán erekshe atmosfera qalyptasýy shart. Eger Sairandy jańǵyrtyp, kórkeitýge kirissek, ol zamanaýi talaptarǵa sai bolýy kerek», – dedi qala ákimi.
Jumys barysynda qosymsha injenerlik jáne landshaftyq sheshimder qabyldaý qajettigi týyndaǵan. Bul jobanyń jobanyń sapasyn arttyrady, biraq qurylys merzim sál uzartady.
Buǵan deiin de shahar basshysy bul jobaǵa qatysty birqatar eskertý jasaǵan bolatyn. Atap aitqanda, merdiger – «Pavlodar ózen porty» AQ-na jumys sapasyna baqylaýdy kúsheitý tapsyryldy.
