Shymkent qalasyndaǵy «Dostyq úiinde» «Ulttyq kiim – urpaqqa mura» festivali ótti. Ulttyq mádenietti dáripteýdi kózdegen is-sharada Sairam aýdanynyń «Kórkem ájeler» toby ulttyq kiimder men zergerlik buiymdardyń kórmesi men etnostildik jáne zamanaýi sándik kiim úlgileriniń kórsetilimine qatysty, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Qazaqstan halqy Assambleiasynyń «Qazaqtaný» jobasy aiasyndaǵy is-sharanyń maqsaty – ulttyq kiim tigýmen jáne ulttyq naqyshta zergerlik buiymdar jasaýmen ainalysatyn qolóner sheberleriniń buiymdaryn dáripteý arqyly óskeleń jas býyndy ulttyq rýhta tárbieleý.
Óz kezeginde, kásibi mamandardan qurylǵan qazylar alqasy festival qorytyndysy boiynsha «Kórkem ájeler toby» júldeli úshinshi oryndy ielendi.
Saiys sońynda aýdandyq Mádeniet, tilderdi damytý, dene shynyqtyrý jáne sport bóliminiń basshysy Daýlethan Alashbaev jáne mádeniet qyzmetkerleri aq jaýlyqty analarymyzdy quttyqtap, qoshemet kórsetti.
