Saıram aýdanynyń ekonomıkalyq damýyn anyqtaıtyn ónerkásip salasynda 10 aıynda 33,6 mlrd. teńgeniń ónimi óndirilgen, damý konsepsıasyna sáıkes jyl sońyna deıin 38,7 mlrd. teńge ónim óndirilý kútilýde.
Oblys deńgeıindegi ónerkásip ónimi óndirisi boıynsha aýdannyń úlesi 9,8% qurap, 2 orynǵa taban tiregenin aıta ketýimiz kerek. Damý konsepsıasyna sáıkes aýdan ónerkásibi negizinen eki baǵytta damýda.
Birinshi baǵytta óńdeý ónerkásibin damytý basshylyqqa alynǵan bolatyn. Bul rette aýdan ónerkásibiniń 89,3 paıyzyn óńdeý ónerkásibi quraǵan. Jańa kásiporyndar ashý, jumys istep turǵan qýattaryn keńeıtý esebinen óńdeý ónerkásibiniń ónim kólemi 28,2 mlrd. teńgege jetti. Esepti kezeńde quny 1,4 mlrd. teńgelik 7 ınvestısıalyq joba iske qosylyp, 203 jumys orny ashylǵan. Onyń ishinde 3 jańa kásiporyn iske qosylyp, 168 jańa jumys orny jáne jumys istep turǵan qýattardy keńeıtý esebinen 35 qosymsha jumys oryndary ashylǵan.
Dalanews.kz
