تاياۋدا تۇركىستان قالاسىندا جۋرناليستەردىڭ باسىن قوسىپ، بريفينگ وتكىزگەن سايرام اۋدانى اكىمى باقتيار مامايەۆ ايماقتا ونەركاسىپ سالاسى جان-جاقتى دامىپ جاتقانىن كەڭىنەن اڭگىمەلەپ بەردى.

سايرام اۋدانىنىڭ ەكونوميكالىق دامۋىن انىقتايتىن ونەركاسىپ سالاسىندا 10 ايىندا 33،6 ملرد. تەڭگەنىڭ ءونىمى وندىرىلگەن، دامۋ كونسەپسياسىنا سايكەس جىل سوڭىنا دەيىن 38،7 ملرد. تەڭگە ءونىم ءوندىرىلۋ كۇتىلۋدە.

وبلىس دەڭگەيىندەگى ونەركاسىپ ءونىمى ءوندىرىسى بويىنشا اۋداننىڭ ۇلەسى 9،8% قۇراپ، 2 ورىنعا تابان تىرەگەنىن ايتا كەتۋىمىز كەرەك. دامۋ كونسەپسياسىنا سايكەس اۋدان ونەركاسىبى نەگىزىنەن  ەكى  باعىتتا  دامۋدا.

ءبىرىنشى باعىتتا وڭدەۋ ونەركاسىبىن دامىتۋ باسشىلىققا الىنعان بولاتىن. بۇل رەتتە اۋدان ونەركاسىبىنىڭ 89،3 پايىزىن وڭدەۋ ونەركاسىبى قۇراعان. جاڭا كاسىپورىندار اشۋ، جۇمىس ىستەپ تۇرعان قۋاتتارىن كەڭەيتۋ ەسەبىنەن وڭدەۋ ونەركاسىبىنىڭ ءونىم كولەمى 28،2 ملرد. تەڭگەگە جەتتى. ەسەپتى كەزەڭدە قۇنى 1،4 ملرد. تەڭگەلىك  7 ينۆەستيسيالىق جوبا ىسكە قوسىلىپ،  203 جۇمىس ورنى اشىلعان. ونىڭ ىشىندە 3 جاڭا كاسىپورىن ىسكە قوسىلىپ، 168 جاڭا جۇمىس ورنى جانە  جۇمىس ىستەپ تۇرعان قۋاتتاردى كەڭەيتۋ ەسەبىنەن 35 قوسىمشا جۇمىس ورىندارى اشىلعان.



Dalanews.kz