Saıram aýdanynda «Eńbek kúni» merekesine oraı Mansap ortalyǵynyń uıymdastyrýymen  bos jumys oryndary jármeńkesi ótti, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Jármeńkege 96 mekemeden 726 bos jumys orny, budan bólek 35 jasqa deıingi azamattarǵa jastar praktıkasy boıynsha qurylǵan 539 ýaqytsha jumys orny usynyldy. İs-sharaǵa 240-qa jýyq azamat qatysyp, ártúrli sala boıynsha jumysqa ornalasýǵa nıet bildirdi. Sonyń ishinde 108 azamat jumysqa ornalasýǵa joldama aldy.

Jármeńkege qatysqan «AMANAT» partıasy Túrkistan oblystyq fılıalynyń tóraǵasy Altynsary Úmbetalıev, «AMANAT» partıasy Túrkistan oblystyq fılıalynyń hatshysy Qýanysh Syzdyqov oblystyq maslıhatynyń depýtattary Nurjan Jamalbekov men Saıdırasýlhan Eralıev ótkizilip jatqan jármeńkemen tanysyp, kelgen azamattarǵa mundaı múmkindikterdi qur jibermeýge, sharaǵa belsendi túrde qatysýǵa shaqyrdy.

Aıta keteıik, bos jumys oryndarynyń ishinde bilim men kásipkerlik  salasyna suranys kóp.