Taiaýda Túrkistan qalasynda jýrnalister aldynda esep bergen Sairam aýdany ákimi Baqtiiar Mamaev biyl kóritendirý baǵytynda 2 nysan tolyq aiaqtalǵanyn alǵa tartty. Olar Aqsý aýylyndaǵy Qarabulaq tas joly men Shaimerdenov kóshelerin abattandyrý, kóriktendirý jumystary men aýdan ortalyǵy Aqsý aýylyndaǵy abattandyrý jumystary. Budan basqa «Mankent» temir jol beketiniń aldy da adam tanymastai abattandyrylǵanyn aita ketýimiz kerek.
Qarasý aýyl okrýgi arqyly kireberisine sáýlettik nysan jobasy men Aqsý aýyly Suranshy batyr kóshesin abattandyrý jumystary jurttyń rizashylyǵyn týdyrǵany anyq.
Al aýdandaǵy jol jóndeý jumystary jaitynda aitsaq, 2018 jyly aýdandyq mańyzy bar 8 shaqyrym joldardy kúrdeli jóndeýden ótkizý jáne 72,7 shaqyrym 66 ishki joldardy ortasha jóndeýden ótkizý jumystaryna barlyǵy 1735,1 mln.teńge bólingen-di.
Sonymen qatar, aýyldyq biýdjet esebinen 18,5 shaqyrymdy quraityn 20 kóshege ortasha jóndeý júrgizildi. Nátijesinde 81,1 shaqyrym joldyń jaǵdaiy jaqsaryp, aýdandaǵy qanaǵattanarlyq jaǵdaidaǵy joldar úlesi 8,2%-ǵa ósti.
Dalanews.kz
