سايرام اۋدانىندا ەلدى مەكەندەردى كوركەيتۋ، اباتتاندىرۋ بويىنشا جۇمىستار قارقىندى ءجۇرىپ جاتىر. مۇنى اۋدانعا قاراستى ءار اۋىلعا بارعان كەز كەلگەن ادام بايقايتىنى انىق.

تاياۋدا تۇركىستان قالاسىندا جۋرناليستەر الدىندا ەسەپ بەرگەن سايرام اۋدانى اكىمى باقتيار مامايەۆ بيىل كورىتەندىرۋ باعىتىندا 2 نىسان تولىق اياقتالعانىن العا تارتتى. ولار اقسۋ اۋىلىنداعى قارابۇلاق تاس جولى مەن شايمەردەنوۆ كوشەلەرىن اباتتاندىرۋ، كورىكتەندىرۋ جۇمىستارى مەن اۋدان ورتالىعى اقسۋ اۋىلىنداعى اباتتاندىرۋ جۇمىستارى. بۇدان باسقا «مانكەنت» تەمىر جول بەكەتىنىڭ الدى دا ادام تانىماستاي اباتتاندىرىلعانىن ايتا كەتۋىمىز كەرەك.

قاراسۋ اۋىل وكرۋگى ارقىلى كىرەبەرىسىنە ساۋلەتتىك نىسان جوباسى مەن اقسۋ اۋىلى سۇرانشى باتىر كوشەسىن اباتتاندىرۋ  جۇمىستارى جۇرتتىڭ ريزاشىلىعىن تۋدىرعانى انىق.

ال اۋدانداعى  جول جوندەۋ جۇمىستارى جايتىندا ايتساق، 2018 جىلى اۋداندىق ماڭىزى بار 8 شاقىرىم جولداردى كۇردەلى جوندەۋدەن وتكىزۋ جانە 72،7 شاقىرىم 66 ىشكى جولداردى ورتاشا جوندەۋدەن وتكىزۋ جۇمىستارىنا بارلىعى 1735،1 ملن.تەڭگە بولىنگەن-دى.

سونىمەن قاتار، اۋىلدىق بيۋدجەت ەسەبىنەن 18،5 شاقىرىمدى قۇرايتىن 20 كوشەگە ورتاشا جوندەۋ جۇرگىزىلدى. ناتيجەسىندە 81،1 شاقىرىم جولدىڭ جاعدايى جاقسارىپ، اۋدانداعى قاناعاتتانارلىق جاعدايداعى جولدار ۇلەسى 8،2%-عا ءوستى.



Dalanews.kz