«QazaqGaz» ulttyq kompaniiasynyń enshiles kásiporny – «Qazaq Gaz Aimak» AQ Sairam aýdanyna qarasty Qaramurt jáne oǵan irgeles jatqan Tólebi aýdanyna tiesili Mádeni-Sarqyrama aýyldaryna jetkizýshi gaz qubyryn tartty, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Turǵyn úilerge tabiǵi gaz jelilerin jetkizý saltanatty rásimine «Qazaq Gaz Aimak» AQ Bas direktory Baýyrjan Asqarov, Sairam aýdany ákiminiń orynbasary Madiiar Orazaliev, «Qazaq Gaz Aimak» AQ Túrkistan óndiristik filialynyń basshysy Abildiev Aqylbek «Qazaq Gaz Aimak» AQ Sairam aýdandyq gaz sharýashylyǵynyń direktory Maqsat Turymbetov, BAQ ókilderi men aýyl turǵyndary qatysty.
Atalǵan aýyldarǵa kógildir otyndy Samsonovka gaz taratý stantsiiasynan (GTS) ST Dý-159mm joǵary qysymdy gaz qubyry tóseldi. Nátijesinde 580 turǵyn úi kógildir otyndy úzdiksiz paidalanatyn bolady. Onyń ishinde, tabiǵi gazdy tutynýshylar Qaramurt aýylynda – 165, Mádeni-Sarqyrama aýylynda – 415-ti qurap otyr.
Aýyl turǵyndarynyń kópten kútken qýanyshymen bólisken «Qazaq Gaz Aimak» AQ Bas direktory Baýyrjan Asqarov saltanatty rásimniń lentasyn qidy. Gaz mamandarynyń basty mindeti – jergilikti halyqtyń sapaly ómir súrýine jaily jaǵdai jasaý ekenin jetkizdi. Sondai-aq bul jumystar Memleket basshysy Qasym-Jomart Toqaevtyń bastamasyn júzege asyrý aiasynda atqarylyp jatqanyn aitty.
Aýyl aqsaqaldary halyqtyń ál-aýqatyn arttyrý, turmysyn jaqsartý maqsatynda gazdandyrý jumysyn júrgizgen memleketke, atalmysh kompaniia men oblys, aýdan basshylyǵyna alǵystaryn bildirdi.
Gaz mamandary tutynýshylarǵa tabiǵi gazdy qoldaný kezinde qaýipsizdik sharalaryn saqtaý qaǵidalary týraly túsindirý jumystaryn júrgizdi.
